نوشکی میں آئل ٹینکرحادثے کا ایک اور زخمی چل بسا، ہلاکتوں کی تعداد 34 ہوگئی

نوشکی میں افسوسناک حادثہ

نوشکی(ڈیلی پاکستان آن لائن) میں 28 اپریل کو آئل ٹینکر میں آگ لگنے کے واقعہ کے زخمیوں میں ایک اور زخمی چل بسا، جس کے بعد جاں بحق افراد کی تعداد 34 ہوگئی۔

یہ بھی پڑھیں: ہاوسنگ سکیم میں اربوں روپے کا مبینہ فراڈ: سابق سینیٹر وقار احمد خان گرفتار

زخمیوں کی تعداد اور علاج

’’آئی این پی‘‘ کے مطابق، اس حادثے میں 80 افراد جھلس کر زخمی ہوئے تھے۔ کئی زخمی کوئٹہ اور کراچی کے اسپتالوں میں زیر علاج ہیں۔

حادثے کی تفصیلات

28 اپریل کو ٹرک اڈہ میں آئل ٹینکر کی وائرنگ ٹھیک کرتے ہوئے اچانک آگ لگ گئی۔ آگ نے دیکھتے ہی دیکھتے پورے ٹینکر کو اپنی لپیٹ میں لے لیا۔ ڈرائیور نے جلتے ٹینکر کو قریبی کھیت کی طرف لے جانے کی کوشش کی تاکہ ممکنہ حادثے سے بچا جا سکے، تاہم اس عمل کے دوران وہاں موجود شہریوں کی بڑی تعداد ٹینکر کی ٹینکی پھٹنے سے جھلس کر زخمی ہوگئی۔