کراچی کا شادی حال میدان جنگ بن گیا، دلہا دلہن کے رشتے دار گتھم گتھا، پولیس اہلکاروں کی بھی پٹائی کر دی گئی

کراچی میں شادی ہال کا جھگڑا

کراچی (ویب ڈیسک) عزیز آباد میں شادی ہال میں دلہا اور دلہن کے رشتے داروں میں تلخ کلامی اور ہاتھا پائی ہوگئی۔

یہ بھی پڑھیں: ویرات کوہلی کی ریٹائرمنٹ کی وجہ سامنے آگئی

واقعے کی تفصیلات

نجی ٹی وی جیو نیوز کے مطابق عزیزآباد میں دو روز قبل شادی ہال میں دلہا اور دلہن والوں کے رشتے دار آپس میں لڑپڑے۔ جھگڑے کے دوران دونوں پارٹیوں نے ایک دوسرے کی خوب درگت بنائی، جبکہ اس دوران کرسیاں بھی چلیں۔

یہ بھی پڑھیں: تھرسپارکر میں شدید گرمی اور پانی کی کمی سے 65 مور ہلاک

سی سی ٹی وی کیمرے کی ریکارڈنگ

واقعے کی سی سی ٹی وی بھی منظر عام پر آئی ہے جس میں پہلے دلہا اور دلہن والوں کے رشتے داروں کے درمیان تلخ کلامی ہوئی اور پھر ہاتھا پائی شروع ہوگئی۔ اس دوران ایک دوسرے پر کرسیاں بھی پھینکی گئیں۔

یہ بھی پڑھیں: سینیٹ قائمہ کمیٹی اطلاعات و نشریات میں پیکا ایکٹ کے تحت 372 غیر قانونی مقدمات درج ہونے کا انکشاف

پولیس کی مداخلت

صورتحال پر قابو پانے کے لیے شادی ہال انتظامیہ نے پولیس کو بلایا لیکن مشتعل افراد نے پولیس سے بھی ہاتھا پائی کی جس کے نتیجے میں پولیس کانسٹیبل حافظ عثمان زخمی ہوگیا۔

گرفتاری اور مقدمہ

پولیس نے جھگڑا کرنے کے الزام میں تین افراد یونس مسیح، ہیری اور ہیری ولد وکٹر کو گرفتار کرلیا جبکہ 30 سے 40 نامعلوم افراد کے خلاف عزیزآباد تھانے میں مقدمہ درج کرلیا گیا، جس میں ہنگامہ آرائی، تھوڑ پھوڑ اور پولیس اہلکاروں پر تشدد کی دفعات شامل کی گئی ہیں۔