اداکارہ فضا علی کو بیٹی کو بھارتی فلم دکھانا مہنگا پڑ گیا، مشکل میں پھنس گئیں
فضا علی اور بیٹی فرال کی سوشل میڈیا کہانی
لاہور (ویب ڈیسک) اداکارہ، گلوکارہ، میزبان اور سوشل میڈیا انفلوئنسر فضا علی ہمیشہ سے اپنی بیٹی فرال کے ساتھ اپنی زندگی کے لمحے سوشل میڈیا پر شیئر کرتی آئی ہیں۔ فرال بچپن سے ہی عوامی نظروں میں پلی بڑھی ہے اور کیمرے کے سامنے خوداعتمادی سے بات کرنا خوب جانتی ہے۔
یہ بھی پڑھیں: سی ڈی اے کا ممبران پارلیمنٹ کی رہائش کیلئے 104 فیملی سویٹس کو مکمل کرنے کا فیصلہ، ٹینڈرز طلب
حساس لمحہ اور ویڈیو شیئرنگ
نجی ٹی وی آج نیوز کے مطابق حال ہی میں فضا علی نے اپنی بیٹی کے ایک جذباتی لمحے کی ویڈیو انسٹاگرام پر شیئر کی، جس میں انہوں نے فرال کی حساس طبیعت اور ہمدردی کا ذکر کرتے ہوئے لکھا کہ "میری بیٹی اتنی ایموشنل ہے کہ جذباتی سین دیکھ کر فوراً رونا شروع کر دیتی ہے، یہ صرف کیمرے کے لیے نہیں، اس کی فطرت ہے۔"
یہ بھی پڑھیں: بیرون ممالک سے ڈی پورٹ افراد کے پاسپورٹ منسوخ اور مقدمات درج کرنے کا فیصلہ
نئی فلم کا اثر
فضا نے بتایا کہ وہ اور فرال بالی وڈ فلم "اگنی پتھ" دیکھ رہے تھے، جس میں ہیرو اور اس کی بہن کا ایک جذباتی منظر فریال کو اس قدر متاثر کر گیا کہ وہ رو پڑی۔
یہ بھی پڑھیں: سونا ایک ہزار 500 روپے مہنگا، فی تولہ قیمت 3 لاکھ 54 ہزار 500 روپے ہو گئی
سوشل میڈیا پر ردعمل
جہاں کچھ لوگوں نے فرال کی حساسیت کو سراہا، وہیں فضا علی کو شدید تنقید کا بھی سامنا کرنا پڑا۔
سوشل میڈیا صارفین نے سوال اٹھایا کہ پاکستانی فنکار بھارتی فلمیں کیوں دیکھ رہے ہیں، جب کہ بھارت کی جانب سے پاکستانی شہریوں پر ظلم و زیادتی کے واقعات عوام کے دلوں کو زخمی کر چکے ہیں۔
تنقید کے نقاط
ایک صارف نے لکھا: "آپ کو بالی ووڈ فلموں کا بائیکاٹ کرنا چاہیے تھا!" دوسرے نے طنز کیا: "آپ کو ہوش ہے؟ بچوں کو ایسا مواد کیوں دکھا رہی ہیں؟"
ایک اور نے کہا: "ان کے فنکار تو کبھی پاکستانی مواد پر ایسا ردعمل نہیں دیتے، آپ کیوں ان کی فلمیں اب بھی دیکھ رہے ہیں؟"
کچھ صارفین نے یہ بھی کہا کہ جذبات دکھانے کے بجائے ایک عوامی شخصیت کو معاشرتی حساسیت کا خیال رکھنا چاہیے۔
