ریزیڈنٹس ویلفیئر ایسوسی ایشن کی جنرل باڈی کا اجلاس، مقدمات اور پولیس رویہ سمیت دیگر امور پر تفصیلی تبادلہ خیال

اجلاس کی تفصیلات

لاہور (خصوصی رپورٹر) ریذیڈنٹس ویلفیئر ایسوسی ایشن کی جنرل باڈی کا اجلاس ایسوسی ایشن کے دفتر میں منعقد ہوا، جس میں تقریباً 80 فیصد ممبران نے شرکت کی۔ اجلاس میں گزشتہ سال کی کارکردگی رپورٹ، ایڈن ڈویلپرز کے خلاف جاری عدالتی مقدمات، نیب میں دائر درخواستوں کی پیشرفت، لاہور کینٹ بورڈ اور پولیس کی جانب سے بے حسی جیسے اہم امور پر تفصیلی غور کیا گیا۔

یہ بھی پڑھیں: بابا صدیقی کے بیٹے ذیشان کو بھی ڈی کمپنی نے قتل کی دھمکی دیدی۔

ایڈن ڈویلپرز کے مسائل

اجلاس میں بتایا گیا کہ ایڈن ڈویلپرز نے بیس سال قبل ترقیاتی چارجز لینے کے باوجود اب تک ترقیاتی کام مکمل نہیں کیے۔ مزید یہ کہ متعدد شہریوں سے رقم لینے کے باوجود ان کے گھروں کی رجسٹری اور انتقال بھی نہیں کروائے گئے۔ ایسوسی ایشن نے اس پر نیب میں درخواستیں دائر کر رکھی ہیں، جن پر پیشرفت بھی جاری ہے۔

یہ بھی پڑھیں: پاکستان کے نئے قونصل جنرل سید مصطفیٰ ربانی اپنی نئی سفارتی ذمہ داریاں سنبھالنے 30 نومبر کو جدہ پہنچیں گے۔

قانونی مسائل اور پیشرفت

اجلاس میں ایڈن نمائندگان کی وعدہ خلافیوں، عدالت کے واضح احکامات کی خلاف ورزی، اور شہریوں سے دھونس دھاندلی سے رقم وصولی پر سخت تشویش کا اظہار کیا گیا۔ لاہور کینٹ بورڈ کی جانب سے ایڈمنسٹریٹو کمیٹی نہ بنانے اور پولیس کی جانب سے ایف آئی آر کے اندراج سے گریز پر بھی سوالات اٹھائے گئے۔

یہ بھی پڑھیں: گوجرانوالہ میں 38 لاکھ 50 ہزار روپے مالیت کا ساڑھے 5 سو کلو چلغوزہ چوری ہوگیا

پولیس اور کینٹ بورڈ کے رویے پر سوالات

اجلاس میں پولیس اور کینٹ بورڈ پر ایڈن انتظامیہ سے ملی بھگت کا الزام عائد کیا گیا اور کہا گیا کہ سابقہ ایس پی کینٹ کے سامنے شکایت کرنے پر 40 سے زائد معززین کے ساتھ بدتمیزی کی گئی۔

یہ بھی پڑھیں: ملک بھر میں آج بھی ہیٹ ویو، درجہ حرارت معمول سے 7 ڈگری تک زائد رہنے کی پیشگوئی

فلاحی سرگرمیاں

اجلاس میں فلاحی سرگرمیوں کا بھی ذکر کیا گیا، جن میں موبائل نادرا وین، لائبریری، میڈیکل کیمپ، اور ایمرجنسی کے لیے لیڈی و مرد ڈاکٹرز کی تعیناتی شامل ہے۔ تاہم ایڈن انتظامیہ کی رکاوٹوں کے باعث ان میں سے کئی منصوبے مکمل نہ ہو سکے۔

یہ بھی پڑھیں: واپڈا میں مستقل افسران کی غیر موجودگی، ادارہ انتظامی بحران اور بیوروکریسی کی رکاوٹوں کا شکار

ریوینیو ریکارڈ اور مالی صورتحال

ریوینیو ریکارڈ کے حوالے سے ریذیڈنٹس ویلفیئر ایسوسی ایشن کے ترجمان ہارون الرشید نے بتایا کہ ایڈن نے کم زمین کے باوجود جعلی نقشہ منظور کروایا ہے اور فروخت شدہ زمینوں کو بینکوں سے قرض کے لیے رہن رکھ کر اب ڈیفالٹ کر چکا ہے۔

یہ بھی پڑھیں: اداکارہ نازش جہانگیر کو ہراساں کرنے کے کیس میں پیشرفت مگر کامیابی نہ مل سکی

سٹے آرڈر اور گھروں کی نیلامی

گھروں کی نیلامی کے خلاف ایسوسی ایشن نے سٹے آرڈر حاصل کیے۔ نیب کیس کی پیشرفت پر بھی بریفنگ دی گئی، جس میں کہا گیا کہ تمام شواہد نیب کو فراہم کر دیے گئے ہیں کیونکہ نئے قوانین کے تحت تمام ثبوت فراہم کرنا درخواست گزار کی ذمہ داری ہے۔

اجلاس کا اختتام اور آئندہ کے لائحہ عمل

آخر میں فائنانس سیکریٹری سعید گابا نے سالانہ مالیاتی رپورٹ پیش کی اور ممبرشپ میں سست روی پر تشویش کا اظہار کیا۔ اجلاس کے اختتام پر متفقہ طور پر فیصلہ کیا گیا کہ اگر پولیس اور کینٹ بورڈ نے انصاف نہ کیا تو بڑا احتجاج کیا جائے گا، جس میں رنگ روڈ یا سروس روڈ بند کرنے کی دھمکی دی گئی۔