سعود بن نعمان کی جرمنی میں پاکستانی سفیر سے ملاقات، پریس کونسلر حنا ملک بھی موجود تھیں۔

میونخ (ویب ڈیسک) سعود بن نعمان کی جرمنی میں پاکستان کی سفیر محترمہ ثقلین سیدہ سے ملاقات ہوئی، جس میں پریس کونسلر حنا ملک بھی شامل تھیں۔

سعود بن نعمان نے اس ملاقات کے دوران وزیر اعظم شہباز شریف اور فیلڈ مارشل جنرل عاصم منیر کی قیادت میں کامیاب آپریشن بُنیان مرسوس کی تعریف کی، جس نے بھارتی جارحیت کا مؤثر اور باوقار جواب دیا۔

اس ملاقات میں بیرون ملک پاکستانی مشنز کی متاثر کن سفارتی کارکردگی پر بھی بات چیت ہوئی، خاص طور پر ڈوئچے ویلے کے ساتھ سفیر کا اثر انگیز انٹرویو جس نے پاکستان کے اصولی بیانیے کو دنیا کے سامنے مؤثر انداز میں پیش کیا۔

سفیر پاکستان نے جرمنی میں پاکستانی نوجوان سفیر کے طور پر سعود بن نعمان کے کردار کو سراہا، اور خطے میں پاکستانی نوجوان برادری کی بااختیاری اور ان کی شمولیت کے لیے کی جانے والی کوششوں کا بھی ذکر کیا۔