مظفرآباد؛ بلگراں کلاؤڈ برسٹ میں جاں بحق افراد کی تعداد چار ہوگئی

بارش کی تباہی

مظفر آباد (ڈیلی پاکستان آن لائن) آزادکشمیر کے دارالحکومت مظفرآباد کے نواحی علاقہ بلگراں میں بارش نے تباہی مچادی۔ گزشتہ روز کلاؤڈ برسٹ کی وجہ سے وادی نیلم کے کئی علاقے متاثر ہوئے۔

یہ بھی پڑھیں: بھارت کی آبی دہشت گردی، دریائے چناب اور جہلم کا پانی روک لیا

متاثرہ علاقے اور نقصانات

نجی ٹی وی سما نیوز کے مطابق، شدید بارش اور کلاؤڈ برسٹ سے بلگراں کے ساتھ وادی نیلم کے کئی علاقے متاثر ہیں۔ کئی رابطہ سڑکیں بند ہیں اور کلاؤڈ برسٹ میں جاں بحق افراد کی تعداد چار ہو گئی ہے۔ جاں بحق ہونے والے افراد کی نماز جنازہ آج ادا کی جائے گی۔

سڑکوں کی بحالی اور امدادی کارروائیاں

مظفرآباد اور وادی نیلم کو آپس میں ملانے والی شاہراہ بحال کر دی گئی ہے، تاہم سڑک کی خراب حالت کی وجہ سے انتظامیہ نے مسافروں کو محتاط سفر کا مشورہ دیا ہے۔ بے گھر ہونے والے افراد کو امدادی اشیا فراہم کی جارہی ہیں۔