امیر کے حکم کے خلاف کسی بھی ملک خصوصاً پاکستان میں لڑنا جائز نہیں: افغان طالبان کمانڈر

سعیداللہ سعید کا بیان

کابل (ڈیلی پاکستان آن لائن) افغان طالبان کے کمانڈر سعیداللہ سعید نے امیر کے حکم کے خلاف کسی بھی ملک، خصوصاً پاکستان میں حملے کرنے کو ناجائز قرار دیا۔

یہ بھی پڑھیں: میرے سامنے پیش ہونے والے سیاسی مقدمات: دو خاص یادگار مثالیں

فتنہ الخوارج کو انتباہ

نجی ٹی وی سما کے مطابق، کمانڈر سعیداللہ سعید نے پولیس اہلکاروں کی پاسنگ آو¿ٹ تقریب سے خطاب کرتے ہوئے فتنہ الخوارج کو انتباہ کیا کہ امیر کے حکم کے خلاف کسی بھی ملک، خصوصاً پاکستان میں لڑنا جائز نہیں۔ مختلف گروہوں میں شامل ہو کر بیرون ملک جہاد کرنے والے حقیقی مجاہد نہیں ہیں۔ ایک جگہ سے دوسری جگہ حملے کرنے والے افراد کو مجاہد کہنا غلط ہے۔

جہاد کا اختیار

کمانڈر سعیداللہ سعید نے کہا کہ جہاد کا اعلان یا اجازت دینا صرف ریاستی امیر کا اختیار ہے، کسی گروہ یا فرد کا نہیں۔ اگر ریاستی قیادت پاکستان نہ جانے کا حکم دے چکی ہے تو اس کے باوجود جانا دینی نافرمانی ہے۔ اپنی انا یا گروہ کی وابستگی کی بنیاد پر کیا گیا جہاد شرعیت کے مطابق فساد تصور کیا جائے گا۔ جہاد کے نام پر حملے کرنے والے گروہ شریعت اور افغان امارت دونوں کے نافرمان ہیں۔