وزیراعلیٰ کا پنجاب میں چکن کے نرخ بڑھنے پر اظہار برہمی، سبزیوں کے حوالے سے بھی اہم احکامات جاری

وزیراعلیٰ پنجاب کا چکن کے نرخوں پر اظہار برہمی

لاہور (ڈیلی پاکستان آن لائن) وزیراعلیٰ پنجاب مریم نواز نے پنجاب میں چکن کے نرخ بڑھنے پر سخت اظہار برہمی کیا ہے۔ وزیراعلیٰ نے ایک خصوصی اجلاس میں چکن کی قیمتوں میں اضافے پر ناراضی کا اظہار کرتے ہوئے متعلقہ ڈیپارٹمنٹس کو چکن کی قیمت کنٹرول کرنے کے حوالے سے اقدامات کرنے کا حکم دیا۔

یہ بھی پڑھیں: کرم میں فریقین کے تمام بنکرز گرا دیے گئے: آئی جی خیبرپختونخوا

عید الاضحیٰ سے قبل سبزیوں کی قیمتوں پر نظر

وزیراعلیٰ نے عید الاضحیٰ سے قبل ٹماٹر، پیاز، ادرک، لہسن، مرچ، اور لیموں کے نرخوں پر نظر رکھنے کی ہدایت کی۔ انہوں نے کہا کہ عید الاضحیٰ سے قبل ضروری سبزیوں کی قیمتوں میں اضافہ ہرگز قابل برداشت نہیں ہے۔ ذخیرہ اندوزی کر کے سبزیوں کی قیمتوں میں اضافے کی اجازت نہیں دی جائے گی۔ حکومتی اداروں کی موجودگی کے باوجود چکن کے نرخوں میں اضافہ قطعی ناقابل قبول ہے۔

یہ بھی پڑھیں: سپریم کورٹ کا آئندہ ہفتے کا روسٹر جاری

سبزیوں اور دالوں کی قیمتوں کی بریفنگ

وزیراعلیٰ مریم نواز نے سبزیوں، دالوں، آٹا اور روٹی کے نرخ پر بریفنگ لی۔ انہوں نے آٹے کی قیمت میں کمی آنے پر روٹی کی قیمت کم کرنے کے لیے اقدامات کرنے کی ہدایت کی۔ مزید برآں، وزیراعلیٰ مریم نواز نے سبزیوں کی ٹرانسپوٹیشن کے اخراجات کم کرنے کے لیے پلان طلب کر لیا۔