کیا واقعی مانع حمل دوا سے لاکھوں خواتین کے دماغ میں ٹیومر پیدا ہوگیا؟ تشویش کی لہر دوڑ گئی

خواتین کی صحت اور ڈیپو-پروویرا کا خطرہ

لاہور (ویب ڈیسک) صحت ایک قیمتی نعمت ہے، اور جب بات خواتین کی صحت اور نسلِ انسانی کی ہو تو ہر دوا اور علاج کا انتخاب نہایت احتیاط کا متقاضی ہوتا ہے۔ حالیہ خبروں میں ایک مانع حمل انجیکشن ”ڈیپو۔پروویرا“ (DEPO PROVERA) سے متعلق ایسے انکشافات سامنے آئے ہیں جنہوں نے سینکڑوں خواتین کو تشویش میں مبتلا کر دیا ہے۔ متعدد تحقیقات اور ماہرین کی آراء کے مطابق یہ دوا دماغی رسولی ’مینی نیوما‘ جیسے مہلک اثرات سے جُڑی ہو سکتی ہے۔

یہ بھی پڑھیں: دیا مرزا نے اپنے نام کے پیچھے چھپی کہانی بیان کردی

طبی پیچیدگیاں اور قانونی کارروائیاں

آج نیوز کے مطابق برطانیہ، امریکہ اور دیگر ممالک میں خواتین اس دوا کے استعمال کے بعد مختلف طبی پیچیدگیوں کا شکار ہو چکی ہیں، جن میں دورے (seizures)، دماغی دباؤ اور دیگر اعصابی علامات شامل ہیں۔ ان انکشافات کے بعد، نہ صرف دوا ساز کمپنیوں کے خلاف قانونی کارروائیاں شروع ہو گئی ہیں بلکہ خواتین میں ایک نیا سوال بھی جنم لے چکا ہے، ’کیا ہم وہ سب کچھ جانتے ہیں جو ہمیں اپنی صحت کے بارے میں جاننا چاہیے؟‘

یہ بھی پڑھیں: مریم نواز فضائی آلودگی کے ساتھ سیاسی آلودگی کا بھی علاج کررہی ہیں:عظمیٰ بخاری

معلومات کی فراہمی

یہ مضمون اسی حساس موضوع پر روشنی ڈالتا ہے، اور آپ کو مکمل معلومات فراہم کرتا ہے تاکہ آپ اپنے لیے بہتر اور محفوظ انتخاب کر سکیں۔ برطانیہ کی سینکڑوں خواتین ایک ایسے مانع حمل انجیکشن کے خلاف قانونی کارروائی کی تیاری کر رہی ہیں، جسے استعمال کرنے کے بعد انہیں دماغی رسولی (Brain tumor) جیسے سنگین خطرات لاحق ہونے کا اندیشہ ہے۔

یہ بھی پڑھیں: کامران بنگش کیخلاف پولیس پارٹی پر فائرنگ کا کیس، عدالت کا مکمل چالان پیش کرنے کا حکم

ڈیپو-پروویرا کے استعمال کی تفصیلات

یہ انجیکشن میڈروکسی پروجیسٹیرون ایسیٹیٹ (Medroxyprogesterone Acetate) کے نام سے جانا جاتا ہے، جو کہ تجارتی طور پر ڈیپو-پروویرا (Depo-Provera) کے نام سے معروف ہے۔

پاکستان میں یہ دوائیں ان ناموں سے دستیاب ہے:
”ڈیپو پروویرا سہیلی“ فائزر لیبارٹریز لمیٹڈ (DEPO PROVERA SAHELI - PFIZER LABORATORIES LTD)
”فیمیلا“ زافا فارماسیوٹیکل لیبارٹریز (FAMILA - ZAFA PHARMACEUTICAL LABORATORIES)
”میڈروکسی ڈیپو“ - گلابل فارماسیوٹیکل (GLOBAL PHARMACEUTICALS)
”میگسٹرون“ - سوشل مارکیٹنگ پاکستان (گارنٹی) لمیٹڈ۔ (MEGESTRON - SOCIAL MARKETING PAKISTAN -GUARANTEE- LTD)

یہ بھی پڑھیں: ای ٹی سی لاہور کے جج کا 9 مئی کے مقدمات جلد نمٹانے کا فیصلہ

تحقیقی رپورٹ کا انکشاف

فرانس کی نیشنل ایجنسی فار میڈیسنز اینڈ ہیلتھ پروڈکٹس سیفٹی کی طرف سے 2023 میں شائع کی گئی ایک تحقیق میں انکشاف ہوا کہ جو خواتین ایک سال یا اس سے زیادہ عرصے تک یہ دوا استعمال کرتی رہیں، ان میں مینی نیوما یعنی دماغ کی جھلی میں پیدا ہونے والی رسولی کا خطرہ پانچ گنا زیادہ پایا گیا۔

یہ بھی پڑھیں: یونان میں کشتی حادثہ اور پاکستانیوں کی اموات، محسن نقوی کا بیان بھی آگیا

حکومتی اور ادویات ساز اداروں کا ردِعمل

اکتوبر 2023 میں برطانیہ کی میڈیسنز اینڈ ہیلتھ کیئر پراڈکٹس ریگولیٹری اتھارٹی نے دوا ساز کمپنی فائزر (Pfizer) کو ہدایت دی کہ وہ اپنے مصنوعات کے معلوماتی کتابچے میں دماغی رسولیوں کے خطرے سے متعلق واضح وارننگ شامل کرے۔

فائزر نے برطانوی محکمہ صحت ”نیشنل ہیلتھ سروس“ (این ایچ ایس) کے ڈاکٹروں کو بھی ایک خط لکھ کر کہا کہ اگر کسی خاتون میں ”Meningioma“ تشخیص ہو جائے تو فوری طور پرڈیپو-پروویرا کا استعمال بند کرا دیا جائے۔

یہ بھی پڑھیں: صحت سے متعلق خبروں پر نوازشریف کو موقف بھی آگیا

متاثرہ خواتین کی کہانیاں

ہر ماہ صرف انگلینڈ میں اس دوا کے 10,000 سے زائد نسخے جاری کیے جاتے ہیں۔ ایک متاثرہ خاتون کی داستان: 18 سالہ جیسیکا بلیک کو ان کی گائناکولوجسٹ نے ماہواری روکنے کے لیے یہ انجیکشن تجویز کیا۔ انہوں نے جنوری 2024 میں پہلا انجیکشن لیا اور تب سے اب تک 20 دورے (seizures) پڑ چکے ہیں۔

جیسیکا کا کہنا ہے، ’یہ دورے انتہائی خوفناک ہوتے ہیں۔ میں ہر بار A&E جاتی ہوں اور حالیہ دورہ اتنا شدید تھا کہ مجھے ’ریسکیو‘ میں لے جایا گیا۔ مجھے کوئی پچھلی بیماری نہیں تھی، اس لیے مجھے یقین ہے کہ یہ سب ڈیپو-پروویرا کی وجہ سے ہو رہا ہے۔‘

یہ بھی پڑھیں: شادی کی تقریب میں مضر صحت کھانا کھانے سے 200 سے زائد افراد کی حالت خراب

ماہرین کی رائے

ڈاکٹر این ہینڈرسن جو ایک سابق این ایچ ایس کنسلٹنٹ گائناکولوجسٹ ہیں، نے جیسیکا کی بات کی تائید کی۔ ان کا کہنا ہے، ’یہ دوا ہارمونل ہے اور یہ دماغ اور مرکزی اعصابی نظام پر بھی اثر ڈال سکتی ہے۔ صرف ماہواری روکنے کے لیے یہ دوا تجویز کرنا طبی غفلت کے زمرے میں آتا ہے۔‘

انہوں نے مزید کہا، ’ان ہارمونز کے خطرناک اثرات کے بارے میں ڈیٹا نیا نہیں ہے، پھر بھی ڈاکٹرز اس کو تجویز کر رہے ہیں، جو باعث تشویش ہے۔ خواتین کو خود تعلیم یافتہ ہونا چاہیے اور خود سے سوال کرنا چاہیے، کیا یہ دوا میرے لیے صحیح ہے؟‘

یہ بھی پڑھیں: پاکستان ٹیم سے بدترین شکست پر سابق آسٹریلوی کھلاڑی برس پڑے

امریکہ میں قانونی کارروائی

امریکہ میں تقریباً 400 خواتین نے Pfizer اور دیگر دوا ساز اداروں کے خلاف اجتماعی مقدمہ دائر کر دیا ہے۔ ان خواتین کا دعویٰ ہے کہ کمپنیاں جان بوجھ کر meningioma کے خطرے سے آگاہ ہونے کے باوجود مناسب وارننگ جاری کرنے میں ناکام رہیں۔

یہ بھی پڑھیں: کراچی میں ایک بار پھر زلزلے کے جھٹکے

برطانیہ میں قانونی مشورے

ایک برطانوی میڈیکل لیگل ماہر کے مطابق، ان کی فرم سے تقریباً 200 خواتین نے رابطہ کیا ہے جو یہ سمجھتی ہیں کہ وہ یا تو ’میننگیوما‘ کا شکار ہو چکی ہیں یا اس دوا کی وجہ سے انہیں اس کا شدید خطرہ لاحق ہے۔ تاہم فائزر یوکے کی جانب سے اس خبر پر کوئی تبصرہ نہیں کیا گیا۔

خواتین کی صحت کے تحفظ کی اہمیت

یہ معاملہ خواتین کی صحت سے متعلق نہایت حساس ہے۔ ضرورت اس بات کی ہے کہ خواتین ہر دوا کے ممکنہ اثرات پر سوال اٹھائیں، خود معلومات اور آگاہی حاصل کریں، اور ایسے معاملات میں دوسروں کو بھی آگاہ کریں۔