جھوٹ بولنے کا کوئی فائدہ نہیں، 11 بجے ہسپتال جاتا، سب مل کر چائے پیتے، ایک ڈاکٹر ڈیوٹی پر رہتا اور “ہم رنگ” کھیلتے، ہارنے والی ٹیم چرغہ منگواتی

مصنف کی معلومات

مصنف: شہزاد احمد حمید
قسط: 182

یہ بھی پڑھیں: ملک میں آج اگر آئینی حکومت نہیں اور میں بطور جج کچھ نہیں کر رہا تو اپنے حلف کی خلاف ورزی کر رہا ہوں، جسٹس اطہر من اللہ

اجلاس طلب کرنا

دفتر واپس جا کر اگلے روز تمام سیکرٹری یونین کونسلز کا اجلاس طلب کیا اور مشتاق کی یونین کونسل میں جو دیکھا تھا ان کے سامنے رکھا اور انہی سے رائے طلب کی کہ کیا کرنا چاہیے۔ میرا یقین ہے کہ "مشاورت کے عمل سے جماعت اور ساتھیوں میں اتحاد پیدا ہوتا ہے۔" مشتاق کے اپنے ساتھیوں کے ساتھ بہت اچھے تعلقات تھے اور اس کے والد مرحوم کی وجہ سے بھی لوگ اس کی عزت کرتے تھے۔

یہ بھی پڑھیں: بالی وڈ اداکار سلمان خان کے خلاف بشنوئی برادری کا احتجاجی مظاہرہ

اجلاس کا نتیجہ

سب نے متفقہ طور پر کہا؛ "سر! اسے ایک موقع دیں، یہ تمام ریکارڈ اپ ڈیٹ کرے گا۔" میں نے ان کی بات سے اتفاق کرتے کہا؛ "پندرہ دن کا وقت دیتا ہوں۔ آپ میں کچھ سیانے لوگ اس کی مدد کریں اور یہ ریکارڈ اپ ڈیٹ کرکے اطلاع کرائے، اس کے بعد فیصلہ ہوگا کہ کیا کارروائی کرنی ہے یا نہیں۔"

مختصر یہ کہ پندرہ بیس دن میں مشتاق کا ریکارڈ اپ ڈیٹ ہوا۔ غلام محمد نے سب اچھا کی رپورٹ کی۔ جرمانے کے طور پر مشتاق نے سب کو میاں جی دال کھلائی۔

یہ بھی پڑھیں: پنجاب حکومت کا گردوں کے مریضوں کیلئے ڈائیلائسز کارڈ لانچ کرنے کا اعلان

یقین اور ساکھ

مجھے یہ فائدہ ہوا کہ سب کو معلوم ہو گیا کہ یہ شہری بابو کبھی بھی کہیں بھی پہنچ سکتا ہے، لہذا اس سے جھوٹ بولنے کا کوئی فائدہ نہیں۔ مشتاق کا ریکارڈ جس طرح سے مکمل کرایا، میرے حوالے سے یہ بات بھی واضح کر دی کہ یہ شخص کسی کی مجبوری سے فائدہ اٹھانے والا نہیں ہے بلکہ مل کر کام کرنے پر یقین رکھتا ہے۔ ان باتوں نے آگے چل کر میری اچھی ساکھ بنانے میں بہت مدد کی۔

یہ بھی پڑھیں: قحط کیا ہے، کسی علاقے کو قحط زدہ قرار دینے کی کیا شرائط ہیں اور غزہ کو جلد ہی اس تک پہنچنے کا خطرہ کیوں ہے؟

بنیادی مرکز صحت کا دورہ

ایک دن ادریس بھائی دو پہر کے وقت آئے اور مجھے اپنے ساتھ بنیادی مرکز صحت لالہ موسیٰ لے گئے، جو میرے دفتر سے تقریباً ملحقہ ہی تھا۔ بنیادی صحت مرکز کے انچارج ڈاکٹر سہیل تھے جبکہ چائیلڈ سپیشلسٹ ڈاکٹر شفقت محمود اور تیسرے ڈاکٹر خالد منہاس تھے۔ چند ہی ملاقاتوں میں ہماری بے تکلفی ہو گئی۔

یہ بھی پڑھیں: ٹیرف کی وجہ سے ایپل کے اخراجات میں 90 کروڑ ڈالر کا اضافہ، اس کے باوجود پہلی سہ ماہی میں کتنی آمدنی ہوئی؟

دوستی کی ابتدا

اس زمانے میں میرے دفتر میں زیادہ کام نہ تھا اور ہسپتال میں بھی کم مریض آتے تھے۔ 11 بجے میں ہسپتال جاتا، سب مل کر چائے کا کپ پیتے، ایک ڈاکٹر ڈیوٹی پر رہتا اور "ہم رنگ" (تاش کا ایک کھیل) کھیلتے۔ ہارنے والی ٹیم چرغہ منگواتی۔

یہ بھی پڑھیں: محرم الحرام کا چاند نظر آگیا، یوم عاشور 6 جولائی اتوار کو ہوگا

مزید ڈاکٹروں کا اضافہ

2 بجے واپس اپنے دفتر آ جاتا تھا۔ ڈاکٹر شفقت کا کچھ عرصہ بعد تبادلہ لالہ موسیٰ سے پانچ کلو میٹر دور بنیادی مرکز صحت "گنجہ" ہو گیا۔ وہ وہاں سے بھی گیارہ ساڑھے گیارہ بجے تاش کھیلنے لالہ موسیٰ پہنچ جاتے۔ ان کی جگہ ڈاکٹر خالد بٹ آگئے، جنہوں نے ایک دن ادریس بھائی کی فرمائش پر لطیفہ سنایا تو وہ میرے گرویدہ ہو گئے۔ پھر ڈاکٹر ذوالفقار بھی ٹرانسفر ہو کر یہاں آ گئے، تو ہماری یہ محفل زور و شور سے سجنے لگی۔

یہ بھی پڑھیں: آئین سپریم ہے: قائمہ کمیٹی داخلہ کے اجلاس میں ارکان کے درمیان دلچسپ مکالمہ

محفل کی رونق

ہم تاش کھیلتے اور اس دوران ڈاکٹر خالد بٹ ڈیوٹی دیتے تھے۔ ڈاکٹر ذوالفقار اور راقم پارٹنر ہوتے تھے جبکہ ڈاکٹر شفقت اور ڈاکٹر سہیل۔ رنگ کی خوب بازی سجتی۔ اکثر ڈاکٹر شفقت اور ڈاکٹر سہیل ہارتے، اور ڈاکٹر سہیل کی تلملاہٹ دیکھنے والی ہوتی۔

یہ بھی پڑھیں: 17 سالہ ملازمت کے دوران مجھے ڈاکٹر عطیہ عنایت اللہ کی شخصیت نے بے حد متاثر کیا، پروجیکٹ پروگرام پلاننگ اور اْن کو مکمل کروانے میں کمال حاصل ہے

ڈاکٹر رولا

ڈاکٹر سہیل کو بہت شور مچانے اور بولنے کی عادت کی وجہ سے میں نے اُسے "ڈاکٹر رولا" کا نام دیا اور شروع میں اس نے اس نام پر اعتراض کیا لیکن دیوانے بھلا کہاں اس کی بات سنتے۔ وہ دوستوں میں اسی نام سے مشہور ہو گیا۔

نوٹ

یہ کتاب "بک ہوم" نے شائع کی ہے (جملہ حقوق محفوظ ہیں) ادارے کا مصنف کی آراء سے متفق ہونا ضروری نہیں۔