برطانیہ کے 5 پاؤنڈ کے نوٹ پر چھپنے والی اصل تصویر چرانے والے ملزم کو کینیڈا میں سزا سنادی گئی

اوٹاوا میں چرچل کی تصویر چوری

اوٹاوا (ڈیلی پاکستان آن لائن) کینیڈا کے دارالحکومت اوٹاوا میں واقع ہوٹل سے سر ونسٹن چرچل کی مشہور تصویر چوری کرنے والے شخص کو تقریباً دو سال قید کی سزا سنا دی گئی ہے۔

یہ بھی پڑھیں: دنیا کی سب سے بڑی سولر ٹیلی سکوپ سے لی گئی سورج کی تصاویر جاری

چوری کی تفصیلات

بی بی سی کے مطابق جفری ووڈ نامی شخص نے یہ تسلیم کیا کہ اس نے کرسمس 2021 اور جنوری 2022 کے درمیان ہوٹل شاتو لوریئر سے چرچل کی اصل تصویر چوری کی تھی۔ یہ وہی تصویر ہے جو برطانوی پانچ پاؤنڈ کے نوٹ پر بھی چھپی ہوئی ہے اور جسے معروف کینیڈین فوٹوگرافر یوسف کارش نے 1941 میں کھینچا تھا۔

یہ بھی پڑھیں: ایران کا 10 اسرائیلی طیارے مار گرانے کا دعویٰ

تفتیش کی پیشرفت

پولیس کے مطابق چرچل کی یہ مشہور تصویر بعد ازاں اٹلی کے شہر جینوا سے ایک نجی خریدار کے پاس سے برآمد ہوئی، جسے اس کے چوری شدہ ہونے کا علم نہیں تھا۔ ہوٹل انتظامیہ کو اگست 2022 میں علم ہوا کہ دیوار پر لگی اصل تصویر کو نقلی تصویر سے بدل دیا گیا ہے۔

یہ بھی پڑھیں: Woman Attacked with Acid and Assaulted After Refusing Friendship; Suspect Arrested

ملزم کا بیان

کینیڈین میڈیا کے مطابق ملزم نے عدالت کو بتایا کہ اس نے یہ تصویر اپنے بھائی کے ذہنی علاج کے لیے مالی مدد حاصل کرنے کی غرض سے چرائی تھی۔

عدالتی فیصلہ

عدالت نے اسے "دو سال کم ایک دن" کی سزا سنائی، جس کا مطلب ہے کہ اسے وفاقی کے بجائے صوبائی جیل میں رکھا جائے گا۔ ملزم کے وکیل نے اس سزا کو سخت قرار دیا ہے کیونکہ وہ پہلی بار کسی جرم میں ملوث ہوا ہے۔