مودی جاہل شخص ہے، اس جیسے حکمراں تاریخ میں جب آئے ملک منتشر ہو گئے: خواجہ آصف

وزیرِ دفاع کی تنقید

اسلام آباد (ڈیلی پاکستان آن لائن) وزیرِ دفاع خواجہ محمد آصف کا کہنا ہے کہ مودی ایک جاہل شخص ہے۔ ایسے حکمراں جب تاریخ میں سامنے آئے تو ملک منتشر ہو گئے۔ ہندوستان کا علاقہ برصغیر ہے، اور تاریخ میں کبھی ایک ملک نہیں رہا۔ ایک وقت ایسا بھی آیا جب برصغیر میں 500 سے زیادہ ریاستیں تھیں۔

یہ بھی پڑھیں: وزیر خارجہ اسحاق ڈار ڈی 8 سمٹ میں شرکت کیلئے قاہرہ روانہ

ہندوستان میں مسلمانوں کی حکمرانی

اسلام آباد سے جاری کیے گئے بیان میں وزیرِ دفاع نے کہا کہ ہندوستان میں مسلمانوں کی حکمرانی کے دوران کچھ مختصر وقفے آئے تھے، جب ہندوستان بدخشاں سے بنگال تک ایک حکمرانی میں رہا۔

بھارت میں علیحدگی کی تحریکیں

وزیر دفاع خواجہ آصف نے جنگ کے مطابق کہا کہ اس وقت بھارت میں درجنوں آزادی اور علیحدگی کی مسلح تحریکیں چل رہی ہیں۔ مودی جیسے حکمراں جب آئیں تو ملک منتشر ہو گئے۔ ہندو مذہب میں درجنوں ذیلی مذاہب ہیں، نچلی ذاتوں کا روز قتل عام ہوتا ہے۔ مودی اور اس کے حواری اگر ان کے ساتھ ہاتھ ملائیں تو دھرم بھرشت ہو جاتا ہے۔ مودی ایک جاہل شخص ہے جو اکھنڈ بھارت کی بات کرتا ہے۔