بھارت، 8 سالہ بیٹے کو لفٹ میں پھنسا دیکھ کر باپ دل کا دورہ پڑنے سے چل بسا
دلخراش واقعہ بھارت میں
نئی دہلی (آئی این پی) بھارت میں 8 سالہ بیٹے کو لفٹ میں پھنسا دیکھ کر باپ دل کا دورہ پڑنے سے چل بسا۔
یہ بھی پڑھیں: 4 کروڑ 10 لاکھ روپے مالیت کی اسمگل شدہ اشیاء اور ٹرالر ضبط
حادثے کی تفصیلات
غیر ملکی میڈیا کے مطابق بھارتی شہر بھوپال کے علاقے مسرود میں ایک رہائشی عمارت کی لفٹ میں بجلی جانے کی وجہ سے 8 سالہ بچہ پھنس گیا۔ بچے کا والد رشیراج اپنے کم عمر بیٹے کو لفٹ میں پھنسا دیکھ کر خوف و ہراس میں مبتلا ہوگیا۔ اس کے بعد باپ فوراً دوڑتا ہوا سکیورٹی گارڈ کے پاس جنریٹر آن کرنے کیلئے گیا، جہاں وہ دل کا دورہ پڑنے سے زمین پر گر پڑا اور بے ہوش ہوگیا۔
یہ بھی پڑھیں: پنجاب میں چلڈرن ہارٹ سرجری پروگرام کے تحت 530 بچوں کی کامیاب سرجری، سپیشل ڈیش بورڈ کے ذریعے مانیٹرنگ بھی جاری
مدد کی کوششیں
پڑوسیوں نے سی پی آر کے ذریعے اس شخص کی زندگی بچانے کی کوشش کی، لیکن کوئی ردعمل نہ ملنے پر اسے اسپتال منتقل کیا گیا، جہاں ڈاکٹروں نے موت کی تصدیق کردی۔
پولیس کی کارروائی
پولیس کے مطابق واقعے کی تحقیقات کی جارہی ہے، تاہم لفٹ میں پھنسے بچے کو کوئی نقصان نہیں پہنچا۔
