غزہ سیز فائر اور یرغمالیوں کی رہائی کا مجوزہ امریکی منصوبہ مسترد کریں گے: حماس عہدیدار

حماس کا امریکی منصوبے کو مسترد کرنے کا اعلان

غزہ (ڈیلی پاکستان آن لائن) فلسطين کی مزاحمتی تنظیم حماس کے سینئر عہدیدار کا کہنا ہے کہ غزہ سیز فائر اور اسرائیلی یرغمالیوں کی رہائی کا مجوزہ امریکی منصوبہ مسترد کردیں گے۔

یہ بھی پڑھیں: پہلگام حملہ، بھارتی وزیرداخلہ کی سکیورٹی ناکامی کا ملبہ ہوٹل مالکان پر ڈالنے کی کوشش ناکام ہوگئی۔

امریکہ کی جانب سے تجویز کردہ منصوبہ

نجی ٹی وی جیو نیوز نے برطانوی نشریاتی ادارے کے حوالے سے بتایاکہ سینئر حماس عہدیدار کا گفتگو کرتے ہوئے کہنا تھاکہ غزہ سیز فائر اور یرغمالیوں کی رہائی کے لئے امریکہ کی جانب سے تجویز کردہ منصوبہ جنگ کے خاتمے سمیت بنیادی مطالبات کو پورا نہیں کرتا اس لئے اسے مسترد کر دیں گے۔

یہ بھی پڑھیں: ڈی آئی جی سکھر اور ایس ایس پی گھوٹکی کے درمیان تنازع، دونوں افسران عہدوں سے فارغ

مزید تفصیلات

سینئر حماس عہدیدار نے کہا کہ حماس کی جانب سے امریکی مجوزہ منصوبے پرباضابطہ ردعمل آنے والے دنوں میں دیا جائے گا۔ برطانوی نشریاتی ادارے کے مطابق امریکہ نے غزہ کے لئے 60 دن کی جنگ بندی کی تجویز پیش کی ہے، منصوبے کے تحت پہلے ہفتے 10 اسرائیلی یرغمالی اور 18 لاشیں اسرائیلی حکام کے حوالے کی جائیں گی۔

یہ بھی پڑھیں: ملک میں سونے کی قیمت میں اضافہ، فی تولہ قیمت 3لاکھ 63 ہزار 700 روپے ہو گئی

قیدیوں کی رہائی کا معاملہ

رپورٹ کے مطابق مجوزہ امریکی منصوبے کے تحت جواب میں اسرائیل عمر قید والے 125 فلسطینی قیدی رہا کرے گا جبکہ اسرائیل 7 اکتوبر کے بعد گرفتار 1100 سے زائد فلسطینیوں کو بھی رہا کرے گا۔

ترتیب دینے کی شرط

برطانوی نشریاتی ادارے کے مطابق مجوزہ امریکی منصوبے کے تحت باقی اسرائیلی یرغمالیوں کی رہائی مستقل جنگ بندی کے نفاذ کے بعد ہوگی۔ واضح رہے کہ وائٹ ہاؤس نے کل کہا تھا کہ اسرائیل نے مجوزہ امریکی منصوبے پر رضامندی ظاہر کی ہے۔