تحریک انصاف نے وزیراعظم شہباز شریف سے مذاکرات کے لیے مشروط آمادگی ظاہر کردی

تحریک انصاف کی مشروط آمادگی

اسلام آباد (آئی  این پی) تحریک انصاف نے وزیراعظم شہباز شریف سے مذاکرات کے لئے مشروط آمادگی ظاہر کردی ہے۔

یہ بھی پڑھیں: حکومت نے پٹرول کی قیمت میں اضافہ کر دیا

سینیٹر شبلی فراز کی گفتگو

سینیٹ میں اپوزیشن لیڈر سینیٹر شبلی فراز نے نجی ٹی وی سے گفتگو کرتے ہوئے کہا کہ ملکی معاملات پر ہم کسی سے بھی مذاکرات کرسکتے ہیں، البتہ اقتدار میں موجود جماعتوں کے ہاتھ میں کچھ نہیں۔ ہم نے پہلے بھی حکومت کی غیرسنجیدگی کے باعث مذاکرات ختم کئے تھے۔ بانی پی ٹی آئی کو جیل میں رکھنے سے سیاسی استحکام نہیں آئے گا۔

مذاکرات کی شرطیں

سینیٹر شبلی فراز کا کہنا تھا کہ ہم فیصلہ کا اختیار رکھنے والوں سے مذاکرات چاہتے ہیں۔ اگر شہباز شریف فیصلے کرسکتے ہیں تو ان سے مذاکرات کے لئے تیار ہیں۔ وزیراعظم خود کسی کے رحم و کرم پر بیٹھے ہوئے ہیں۔ ہم سمجھتے ہیں کہ حکومت سے مذاکرات برائے مذاکرات کا کوئی فائدہ نہیں۔