فضائیہ کی ذلت کے بعد وزیر دفاع راج ناتھ سنگھ کی اگلے حملے میں اپنی بحریہ کو آگے کرنے کی خفت بھر ی دھمکی، پاک فوج کے ترجمان کا موقف بھی آگیا

بھارت کی بحریہ کی طاقت کا اعلان

نئی دہلی،اسلام آباد  (آئی این پی) پاک فضائی کے ہاتھوں بھارتی فضائیہ کی رسوائی کے بعد بھارت نے اپنی بحریہ پر آگے لانے کا اعلان کیا ہے جبکہ پاکستانی افواج نے ایک بار پھر واضح کر دیا ہے کہ وطن کی خودمختاری اور سالمیت کو چیلنج کرنے کی کوشش کی گئی تو فیصلہ کن اور ہمہ گیر ردعمل دیا جائے گا۔

یہ بھی پڑھیں: اڈیالہ جیل کا قیدی خونی انقلاب کے خواب دیکھ رہا ہے: عظمیٰ بخاری

راج ناتھ سنگھ کی دھمکی

بھارتی وزیر دفاع راج ناتھ سنگھ نے پاکستان کو خفت بھری دھمکی دیتے ہوئے کہا ہے کہ آئندہ کسی بھی مبینہ حملے کی صورت میں بھارت اپنی بحریہ کی مکمل طاقت استعمال کرے گا۔

یہ بھی پڑھیں: بھارت نے بہتان کو خارجہ پالیسی بنا لیا ، اقوام متحدہ کی ٹیموں نے دیکھ لیا پاکستان میں دہشتگردی کا کوئی ٹھکانہ نہیں: شیری رحمان

بھارت کی بحریہ کا موقف

میڈیارپورٹس کے مطابق، راج ناتھ سنگھ نے مغربی بھارتی ریاست گوا کے ساحل پر موجود بھارتی ایئرکرافٹ کیریئر آئی این ایس وکرانت سے خطاب کرتے ہوئے کہا کہ اگر پاکستان کسی بھی قسم کی شرارت یا غیر اخلاقی حرکت کرتا ہے تو اسے بھارتی بحریہ کی آگ اور غصے کا سامنا کرنا پڑے گا۔ یہ وہی آئی این ایس وکرانت ہے جسے پاک بحریہ نے واپس بھاگنے پر مجبور کردیا تھا۔ اور وہی بھارتی بحریہ ہے جس کی ہمت تک نہ ہوئی ہے پاک بھارت کشیدگی کے دوران ایک راکٹ بھی فائر کرسکے۔

پاکستان کا جواب

دوسری جانب پاکستان کی جانب سے بھارتی وزیر دفاع کے اس اشتعال انگیز بیان کو رد کرتے ہوئے کہا گیا ہے کہ ہم امن کے خواہاں ضرور ہیں، کمزور نہیں۔ ڈی جی آئی ایس پی آر  لیفٹیننٹ جنرل احمد شریف چوہدری نے برطانوی خبررساں ادارے کے انٹرویو میں 12 مئی کا بیان یاد دلاتے ہوئے کہا کہ پاکستان کی خودمختاری کو خطرے میں ڈالنے یا سرحدی سالمیت کی خلاف ورزی کی صورت میں فیصلہ کن ردعمل دیا جائے گا۔