شمالی وزیرستان میں سکیورٹی فورسز کا آپریشن، فتنہ الہندوستان کے 14 خوارج ہلاک
سکیورٹی فورسز کا آپریشن
راولپنڈی(ڈیلی پاکستان آن لائن) سکیورٹی فورسز نے شمالی وزیرستان میں آپریشن کے دوران فتنہ الہندوستان کے 14 خوارج کو ہلاک کر دیا۔
یہ بھی پڑھیں: مریم نواز نے پنجاب کی ایئر لائن ایئر پنجاب کو جلد از جلد فعال کرنے کا حکم دے دیا
آپریشن کی تفصیلات
پاک فوج کے شعبہ تعلقات عامہ (آئی ایس پی آر) کے مطابق، سکیورٹی فورسز نے شمالی وزیرستان کے ضلع دتہ خیل میں بھارتی پراکسی سے تعلق رکھنے والے خوارج کی موجودگی کی اطلاع پر یہ آپریشن کیا۔
آئی ایس پی آر کے مطابق، آپریشن کے دوران ہندوستانی سپانسر شدہ خوارج کے ٹھکانوں کو نشانہ بنایا گیا جس کے نتیجے میں فتنہ الہندوستان کے 14 خوارج ہلاک ہوگئے۔
یہ بھی پڑھیں: چمگادڑوں کے غار میں جانے والے ایک ہی خاندان کے 12 افراد جان لیوا انفیکشن میں مبتلا ہوگئے
وزیراعظم کا تبصرہ
وزیراعظم شہباز شریف نے شمالی وزیرستان کے علاقے دتہ خیل میں سکیورٹی آپریشن میں بھارتی حمایت یافتہ فتنہ الخوارج کے 14 دہشت گردوں کو جہنم رسید کرنے پر سکیورٹی فورسز کو خراج تحسین پیش کیا ہے۔
ان کا کہنا تھا کہ انسانیت کے دشمن دہشت گردوں کے مذموم عزائم خاک میں ملا دیں گے۔ سکیورٹی فورسز کی پیشہ ورانہ مہارت کی بدولت ہم دہشت گردی کی عفریت کو جڑ سے اکھاڑ پھینکیں گے۔ حکومت اور سکیورٹی فورسز ملک سے دہشت گردی کے مکمل خاتمے کیلئے پرعزم ہیں۔
یہ بھی پڑھیں: بلوچستان کے مسئلے پر کنفیوزڈ ہیں ، کس سے مذاکرات کریں۔۔۔ ؟سہیل وڑائچ نے وزیر اعلیٰ سرفراز بگٹی سے ہونیوالی ملاقات کی اندرونی کہانی بیان کر دی
وزیر داخلہ کا اظہار خیال
اس کے علاوہ وفاقی وزیر داخلہ محسن نقوی نے بھی دتہ خیل میں بھارتی سپانسرڈ فتنہ الخوارج کے خلاف کامیاب انٹیلیجنس بیسڈ آپریشن پر سکیورٹی فورسز کو خراج تحسین پیش کیا اور ان کی پیشہ وارانہ صلاحیتوں کو سراہا۔
محسن نقوی نے کہا کہ سکیورٹی فورسز نے 14 بھارتی حمایت یافتہ خوارجی دہشت گردوں کو جہنم واصل کر کے بڑی کامیابی حاصل کی۔ بھارتی سپانسرڈ فتنہ الخوارج کے ناپاک ارادوں کو ناکام بنانے پر سکیورٹی فورسز کو سلام پیش کرتے ہیں۔
قوم کا عزم
محسن نقوی نے مزید کہا کہ قوم خوارجی دہشت گردوں کے خاتمے کیلئے سکیورٹی فورسز کی کارروائیوں کو تحسین کی نگاہ سے دیکھتی ہے۔ بھارتی سپانسرڈ خوارجی دہشت گردوں کا عبرتناک انجام واضح پیغام ہے کہ پاکستان میں خوارجیوں کو چھپنے کی جگہ نہیں ملے گی۔ ہم پاکستان کی سرزمین سے ایک ایک خوارجی دہشت گرد کا صفایا کریں گے۔
