نااہلی ریفرنس: عمر ایوب کو وکیل مقرر کرنے کی مہلت

الیکشن کمیشن کی کارروائی

اسلام آباد(ڈیلی پاکستان آن لائن) الیکشن کمیشن نے نااہلی ریفرنس میں قومی اسمبلی میں اپوزیشن لیڈر عمر ایوب کو وکیل مقرر کرنے کی مہلت دے دی۔

یہ بھی پڑھیں: بھارت جتنی طاقت استعمال کرے گا، ہم اس سے زیادہ طاقت سے جواب دیں گے، خواجہ آصف

سماعت کی تفصیلات

نجی ٹی وی چینل دنیا نیوز کے مطابق، عمر ایوب کے خلاف نااہلی ریفرنس کی سماعت چیف الیکشن کمشنر کی سربراہی میں پانچ رکنی کمیشن نے کی۔ سماعت کے دوران، عمر ایوب روسٹرم پر آئے اور بتایا کہ مجھے نااہلی ریفرنس کی کاپی مل گئی ہے۔

یہ بھی پڑھیں: عدالتی ترامیم عوام کی بہتری کیلئے ہیں، فیصل سبزواری

وکیل مقرر کرنے کی درخواست

عمر ایوب نے کہا کہ میں نے ابھی وکیل بھی مقرر کرنا ہے، بجٹ اجلاس شروع ہو رہا ہے، وکیل مقرر کرنے کے لیے وقت دے دیں، جولائی کے مہینے میں سماعت رکھ لیں۔

یہ بھی پڑھیں: اسرائیل ایران کشیدگی، پاکستان نے بھی اہم قدم اٹھا لیا

کمیشن کا فیصلہ

ممبر الیکشن کمیشن سندھ نثار درانی نے کہا کہ سپیکر ریفرنس پر 90 دن کا وقت ہوتا ہے۔ اس کے ساتھ ہی الیکشن کمیشن نے عمر ایوب کی استدعا منظور کرتے ہوئے انہیں وکیل کرنے کی مہلت دے دی۔

عمر ایوب کا میڈیا سے گفتگو

سماعت کے بعد میڈیا سے گفتگو کرتے ہوئے، عمر ایوب نے کہا ہے کہ اس ریفرنس سے متعلق قومی اسمبلی کے سپیکر نے کوئی مشاورت نہیں کی۔