ملیرجیل سے فرار قیدی کی خودکشی، ویڈیو بیان بھی سامنے آ گیا

کراچی کی ملیر جیل سے فرار قیدی کی خودکشی

کراچی (ڈیلی پاکستان آن لائن) کراچی کی ملیر جیل سے فرار ہونے والے قیدی نے خودکشی کر لی، قیدی کا خودکشی سے پہلے ویڈیو بیان بھی سامنے آ گیا ہے۔

واقعے کی تفصیلات

نجی ٹی وی چینل جیو نیوز کے مطابق، ملیر جیل سے فرار ہونے والے قیدی نے خودکشی کر لی۔ خودکشی سے قبل اس نے ایک ویڈیو بنائی تھی، جس میں اپنی حالت بیان کی تھی۔

پولیس کی تحقیقات

ڈی آئی جی ساؤتھ کا کہنا ہے کہ ملیر جیل سے فرار ہونے والے قیدی کی لاش ملی ہے اور یہ بظاہر خودکشی کا کیس لگتا ہے۔ مفرور قیدی کا تعلق عیدگاہ تھانے میں درج منشیات کے مقدمے سے ہے۔ خودکشی کرنے والے قیدی کی شناخت رضا کے نام سے ہوئی ہے، جس پر 30 مارچ 2022 کو عیدگاہ تھانے میں مقدمہ درج ہوا تھا۔

ویڈیو بیان کا خلاصہ

قیدی کا خودکشی سے پہلے ویڈیو بیان میں کہنا تھا کہ "میں ملیر جیل سے اپنے دیگر ساتھیوں کے ساتھ بھاگا تھا۔ فرار کے دوران میں زخمی ہو گیا اور جیل سے نکلنے کے بعد کافی دیر تک پیدل چلتا رہا۔"