لائسنس کے بغیر موٹرسائیکل چلانے پر 25 ہزار اور کار پر 50 ہزار روپے جرمانے کا فیصلہ

ڈرائیونگ لائسنس کے بغیر موٹرسائیکل اور کار چلانے پر جرمانے

کراچی(ڈیلی پاکستان آن لائن) سندھ حکومت نے فیصلہ کیا ہے کہ ڈرائیونگ لائسنس کے بغیر موٹرسائیکل چلانے پر 25 ہزار روپے جبکہ کار چلانے پر 50 ہزار روپے جرمانہ عائد کیا جائے گا۔

یہ بھی پڑھیں: ریاستی اداروں کے خلاف پوسٹ شیئر کرنے کے مقدمہ، صنم جاوید کی درخواست ضمانت خارج

اجلاس کی تفصیلات

نجی ٹی وی سما نیوز کے مطابق وزیرداخلہ سندھ کی زیر صدارت اجلاس میں ضیاء الحسن لنجار نے کہا کہ لائسنس کے بغیر ڈرائیونگ کے علاوہ رانگ وے موٹرسائیکل چلانے والے کو بھی 25 ہزار روپے چالان کیا جائے گا۔

یہ بھی پڑھیں: 1. 8 فروری سے لیکر اب تک ہر چیز فریب اور دھوکہ پر مبنی ہے، عمران خان کے علاج کے بارے میں 5 دن تک جھوٹ بولا گیا، ذاتی معالجین کی ملاقات تک یہاں سے نہیں ہٹیں گے، سلمان اکرم راجا

رکشوں پر پابندی

وزیرداخلہ سندھ نے اعلان کیا ہے کہ 4 سیٹر رکشوں کے لیے مکمل پابندی عائد کرنے کے لیے ترامیم کی منظوری دے دی گئی ہے، جبکہ ون بائی ٹو سیٹر رکشوں کو سڑک پر چلانے کی اجازت ہوگی۔

نئے جرمانوں کی تفصیلات

ون وے کی خلاف ورزی پر سرکاری گاڑی کا جرمانہ 2 لاکھ روپے ہوگا۔ ٹریفک کی ای چالان موٹر گاڑی کے مالک کے گھر کے ایڈریس پر بھیجے جائیں گے۔ ترمیمی قوانین و رولز کا مسودہ حتمی منظوری کے لیے سندھ کابینہ میں پیش کیا جائے گا。