13 سال کی محبت رشتے میں تبدیل، حنا خان نے راکی جیسول کے ساتھ زندگی بھر کا بندھن باندھ لیا

حنا خان کا شاندار نکاح

ممبئی (آئی این پی) 13 سال کی محبت رشتے میں بدل گئی، بھارت کی مشہور ٹیلی ویژن اداکارہ حنا خان نے آخرکار اپنے دوست راکی جیسوال سے شادی کر لی۔ یہ خوشخبری اداکارہ نے خود اپنے آفیشل انسٹاگرام اکانٹ پر دلکش تصویروں کے ساتھ شیئر کی، جسے دیکھ کر مداحوں نے نیک تمناں کا اظہار کیا اور آنے والی زندگی کے لیے دعائیں کیں۔

یہ بھی پڑھیں: بشریٰ بی بی کی وزیر اعلیٰ خیبر پختونخوا علی امین گنڈا پور سے ملاقات

حنا خان کی کامیابیاں

حنا خان پاکستان میں بھی بے حد مقبول ہیں، ان کے مشہور ڈرامے "یہ رشتہ کیا کہلاتا ہے"، "کسوٹی زندگی کی" اور "بگ باس" میں شرکت نے انہیں سرحد پار بھی لاکھوں دلوں کا محبوب بنا دیا، وہ خطرات سے بھرپور رئیلٹی شو "خطروں کے کھلاڑی" میں بھی جلوہ گر ہو چکی ہیں۔ انسٹاگرام پر ان کے 20 ملین سے زائد فالوورز ہیں۔ چند سال قبل حنا خان نے انکشاف کیا تھا کہ وہ اسٹیج تھری بریسٹ کینسر کا سامنا کر رہی ہیں، انہوں نے اپنی بیماری کے دوران بھی ہمت اور حوصلے کی اعلی مثال قائم کی، ان کی صحت یابی کے سفر میں راکی جیسوال کا کردار بے حد اہم رہا۔ راکی نے ان کا بھرپور ساتھ دیا اور ہر لمحے ان کے ساتھ کھڑے رہے۔

یہ بھی پڑھیں: بیرسٹر سیف نے وفاقی وزیر پیٹرولیم کے خلاف قانونی کارروائی کا عندیہ دیدیا، لیکن کیوں؟ وجہ سامنے آگئی

مداحوں کی خوشی

حنا اور راکی گزشتہ 13 سالوں سے ایک دوسرے کے ساتھ تھے، مداح برسوں سے ان کی شادی کا انتظار کر رہے تھے۔ آخرکار اس خوبصورت جوڑی نے سول میرج (عدالتی شادی) کے ذریعے اپنی محبت کو باضابطہ رشتے میں بدل دیا۔ انسٹاگرام پر شیئر کی گئی تصویروں میں دونوں نہایت خوش اور مطمئن نظر آ رہے ہیں۔ اداکارہ نے تصاویر کے ساتھ ایک نہایت جذباتی پیغام بھی شیئر کیا، جس میں کہا کہ "دو مختلف دنیاؤں سے نکل کر ہم نے محبت کی ایک کائنات تعمیر کی، ہمارے تمام فرق مٹ گئے، ہمارے دل یکجا ہو گئے اور ایک ایسا بندھن وجود میں آیا جو عمروں تک قائم رہے گا، ہم ایک دوسرے کا گھر، روشنی، اور امید ہیں، بطور شوہر اور بیوی ہم آپ کی دعاوں اور نیک تمناں کے طلبگار ہیں۔"

شادی کی تفصیلات

حنا خان نے معروف فیشن ڈیزائنر منیش ملہوترا کا تیار کردہ خصوصی لباس زیب تن کیا، ساڑھی کا رنگ اوپل گرین تھا، جس پر ہلکی سنہری اور چاندی کی زری اور دھاگے کے نفیس کام سے سجایا گیا تھا۔ ساڑھی کی خاص بات یہ تھی کہ اس پر حنا اور راکی کے نام خاص طور پر کڑھائی سے لکھوائے گئے تھے، دوسری جانب ان کے شوہر راکی جیسوال نے آف وائٹ رنگ کا کلاسک کرتا پہنا جو سادگی، روایت اور وقار کا امتزاج تھا۔ حنا خان کے فالوورز اور شوبز شخصیات کی جانب سے مبارکبادوں کا سلسلہ جاری ہے، ان کے انسٹاگرام پوسٹ پر مداحوں نے نیک تمناں کے ساتھ ساتھ دعائیں بھی دی ہیں، خاص طور پر ان کے کینسر سے مقابلے کے حوصلے اور زندگی کی نئی شروعات پر۔