وزیراعظم اور آرمی چیف کی سعودی ولی عہد سے ملاقات، اہم امور پر تبادلہ خیال

وزیرِاعظم شہباز شریف کا سعودی عرب دورہ

ریاض (ڈیلی پاکستان آن لائن) وزیرِاعظم شہباز شریف نے ولی عہد محمد بن سلمان کے ظہرانے میں شرکت کی۔ ولی عہد نے وزیراعظم کا شاندار استقبال کیا، جبکہ وزیراعظم اور آرمی چیف کے ساتھ ولی عہد کی خصوصی ملاقات بھی ہوئی۔

یہ بھی پڑھیں: یو اے ای میں 18 سالہ خواتین کو سرپرست کی اجازت کے بغیر پسند کی شادی کی اجازت، قانون میں تبدیلی آگئی

ظہرانے کی تقریب

سرکاری میڈیا کے مطابق، وزیرِاعظم شہباز شریف نے سعودی عرب کے دورے کے دوران شاہی دیوان میں ولی عہد و وزیرِاعظم سعودی عرب، شہزادہ محمد بن سلمان بن عبدالعزیز آل سعود کی جانب سے دئیے گئے خصوصی ظہرانے میں بطور مہمانِ خاص شرکت کی۔

ولی عہد سعودی عرب نے وزیراعظم کا خصوصی استقبال کیا اور خود گاڑی چلا کر وزیراعظم کو ظہرانے میں مدعو کیا۔ ظہرانے کے دوران دونوں رہنماؤں کے مابین غیر رسمی گفتگو بھی ہوئی، جس میں مشرق وسطی کے اہم رہنماؤں، سعودی کابینہ کے ارکان اور اعلیٰ سعودی سول و عسکری قیادت نے شرکت کی۔

یہ بھی پڑھیں: وہ گاڑیاں جن کے خلاف لاہور ٹریفک پولیس نے کریک ڈاون شروع کر دیا

اہم ملاقات کی تفصیلات

بعد ازاں، وزیراعظم شہباز شریف اور سعودی ولی عہد محمد بن سلمان کے درمیان ایک اہم ملاقات ہوئی، جس میں فیلڈ مارشل سید عاصم منیر، وفد کے ارکان اور سعودی آرمی چیف بھی موجود تھے۔ ملاقات میں دو طرفہ امور اور پاک بھارت جنگ پر بھی تبادلہ خیال ہوا۔ وزیر اعظم نے سعودی عرب کے سفارتی محاذ پر پاکستان کی حمایت پر شکریہ ادا کیا۔

عید کی خصوصی دعوت

سعودی ولی عہد محمد بن سلمان نے عید کے موقع پر خصوصی طور پر وزیر اعظم کو مدعو کیا ہے، جو کہ ولی عہد کے دور میں پہلی بار کسی حکمران کو عید پر مدعو کیا گیا ہے۔