وزیراعظم پاکستان کا سعودی عرب کا دورہ مکمل کرکے وطن واپس روانہ

وزیرِ اعظم کا دو روزہ دورہ سعودی عرب

جدہ (ویب ڈیسک) وزیرِ اعظم محمد شہباز شریف اپنا دو روزہ دورہءِ سعودی عرب مکمل کرکے پاکستان کیلئے روانہ ہوگئے ہیں۔

یہ بھی پڑھیں: کشمیر پاکستان کی شہ رگ ہے اور آج یہ شہ رگ ہندوستان کے قبضے میں ہے، برطانوی رکن پارلیمنٹ لارڈ نذیر احمد

وداعی تقریب

گورنر جدہ، شہزادہ سعود بن عبداللہ جلاوی، سعودی عرب کے پاکستان میں سفیر نواف بن سعید المالکی، پاکستان کے سعودی عرب میں سفیر احمد فاروق اور اعلیٰ سفارتی اہلکاروں نے جدہ ایئر پورٹ پر وزیرِ اعظم کو الوداع کیا۔

یہ بھی پڑھیں: دورانِ ڈیوٹی ٹک ٹاک ویڈیوز بنانے پر ایس ایچ او سمیت 7 پولیس اہلکار معطل

شاہی دیوان میں ظہرانہ

اس سے قبل وزیرِ اعظم نے شاہی دیوان میں ولی عہد و وزیرِ اعظم سعودی عرب شہزادہ محمد بن سلمان بن عبدالعزیز آل سعود کی جانب سے دئیے گئے خصوصی ظہرانے میں بطور مہمانِ خاص شرکت کی۔

یہ بھی پڑھیں: بات اشاروں کنائیوں تک جا پہنچی، پتہ چلا چند میل پر اُن کا ڈیرہ ہے، وہ تھل کے باسی ہیں، خوب خاطر مدارت کے مزے لیے، ہم نے بات چیت کرنے کی ٹھانی

خصوصی استقبال

اس موقع پر سعودی ولی عہد کی جانب سے وزیراعظم شہباز شریف کا خصوصی استقبال کیا گیا، اور ولی عہد محمد بن سلمان خود گاڑی چلاکر وزیراعظم کو ظہرانے میں شرکت کے لیے شاہی دیوان لے کر گئے۔

عمرے کی سعادت

ظہرانے سے پہلے وزیراعظم اور فیلڈ مارشل عاصم منیر نے عمرے کی سعادت حاصل کی۔ اس موقع پر خصوصی طور پر ان کے لئے خانہ کعبہ کا دروازہ کھولا گیا۔ وزیراعظم اور آرمی چیف نے وفد کے ہمراہ خانہ کعبہ میں نوافل ادا کیے اور بنیان مرصوص کی عظیم فتح پر شکر ادا کیا۔