روس کا یوکرین کے دوسرے بڑے شہر پر اب تک کا سب سے بڑا حملہ، متعدد عمارتیں تباہ
روس کا بڑا ڈرون حملہ
کیف (ڈیلی پاکستان آن لائن) روس نے یوکرین کے دوسرے بڑے شہر خارکیف پر بڑا ڈرون حملہ کیا، جس کے نتیجے میں 3 افراد ہلاک اور 21 افراد زخمی ہو گئے۔
یہ بھی پڑھیں: پاکستان کاکشن گنگا اور رتلے پن بجلی منصوبوں پر ثالثی عدالت کے ضمنی فیصلے کا خیرمقدم
حملے کی تفصیلات
نجی ٹی وی جیو نیوز کے مطابق، خارکیف کے میئر کا کہنا ہے کہ روس کی جانب سے 9 میزائل اور 206 ڈرون فائر کیے گئے، جس میں 3 افراد ہلاک اور متعدد زخمی ہوئے۔
یہ بھی پڑھیں: بیمار خاتون سے جعلی پیر کی نازیبا حرکات، گرفتار کرلیا گیا
جارحیت کا پس منظر
ان کا کہنا ہے کہ فروری 2022 میں روس کی جانب سے یوکرین کے خلاف شروع کی جانے والی جارحیت کے دوران یہ خارکیف پر اب تک کا سب سے بڑا حملہ ہے جس میں بڑے پیمانے پر جانی و مالی نقصان ہوا ہے۔
یہ بھی پڑھیں: کینگرو کورٹس سے سزاؤں کی مذمت کرتے ہیں، ہائبرڈ نظام پاکستان میں اپوزیشن کا خاتمہ چاہتا ہے، مصطفیٰ نواز کھوکھر
فضائی دفاعی نظام کی کارکردگی
یوکرین کے سرکاری ڈیٹا کے مطابق، روس کی جانب سے فائر کیے گئے 174 حملوں کو فضائی دفاعی نظام کے ذریعے تباہ کیا گیا۔
یہ بھی پڑھیں: بھارت نے دریائے ستلج میں مزید پانی چھوڑ دیا، ہریکے اور فیروز پور اونچے درجے کے سیلاب کا خطرہ
روسی وزارت دفاع کا بیان
دوسری جانب، روسی وزارت دفاع کا کہنا ہے کہ یوکرین کی جانب سے کرسک، برینسک، کلوگا، سمولنسک، اور ماسکو کی جانب فائر کیے گئے 36 ڈرونز کو گرایا گیا۔
خارکیف اور خیرسون میں نقصان
خارکیف کے علاوہ خیرسون ریجن میں بھی روس کی شیلنگ کے نتیجے میں عمارت کے گرنے سے میاں اور بیوی ہلاک ہوئے۔
