آسٹریا: اسکول میں فائرنگ، مرنے والوں کی تعداد 9 ہو گئی

فائرنگ کا واقعہ

آسٹریا (ڈیلی پاکستان آن لائن) ہائی سکول میں فائرنگ سے اساتذہ اور طالب علموں سمیت 9 افراد ہلاک ہوگئے۔

یہ بھی پڑھیں: توشہ خانہ 2کیس ؛ بانی پی ٹی آئی عمران خان اور بشریٰ بی بی کیخلاف 2گواہوں کے بیانات قلمبند

تفصیلات

نجی ٹی وی جیو نیوز نے غیر ملکی میڈیا کے حوالے سے بتایا کہ یہ واقعہ آسٹریا کے جنوبی شہر گریز میں قائم ایک ہائی سکول میں پیش آیا جہاں نامعلوم شخص نے اسکول میں فائرنگ کردی۔

یہ بھی پڑھیں: 14 کیسز میں بانی پی ٹی آئی کے ساتھ ہوں، سیاسی حالات خراب ہوتے جارہے ہیں: شیخ رشید

پولیس کی رپورٹ

پولیس کا کہنا ہے کہ حملے میں 9 افراد ہلاک اور کچھ شدید زخمی بھی ہوئے ہیں جن میں طلبہ اور اساتذہ دونوں شامل ہیں۔ زخمیوں کو فوری طبی امداد کیلئے ہسپتال منتقل کردیا گیا ہے۔

یہ بھی پڑھیں: طوفان میں پھنسے ہوئے پرواز کے مسافر کا آنکھوں دیکھا حال

حملہ آور کی شناخت

پولیس کے مطابق فائرنگ کرنے والا شخص ہائی اسکول کا طالب علم ہی تھا، جس نے سکول میں فائرنگ کرنے کے بعد موقع پر خود کو بھی گولی مار لی۔

آپریشن اور سکول کی حالت

پولیس نے مزید بتایا کہ واقعہ کی اطلاع ملتے ہی علاقے میں آپریشن کیا گیا، جس کے بعد سکول کو خطرہ سے باہر قرار دیا گیا ہے۔