بجٹ تقریر، حکومت نے بھارت کی آبی جارحیت سے نمٹنے کیلئے اقدامات کا اعلان کردیا

اسلام آباد (ڈیلی پاکستان آن لائن) وفاقی وزیر خزانہ محمد اورنگزیب نے حالیہ پاک بھارت کشیدگی کے بعد بھارت کی جانب سے پانی کو بطور ہتھیار استعمال کرنے کی کوششوں کے جواب میں پاکستانی حکومت کے آئندہ مالی سال کیلئے اقدامات کا اعلان کردیا۔

یہ بھی پڑھیں: وہ کریں جو آپ کی بیگم کہتی ہے: فلک شبیر کا شوہروں کو مشورہ

بھارتی دھمکیاں اور پاکستانی حکمت عملی

اپنی بجٹ تقریر کے دوران انہوں نے کہا کہ حالیہ دنوں میں پاک بھارت جنگ کے بعد بھارت نے پاکستان کے پانی کو روکنے کی دھمکی دی ہے۔ بھارت پانی کو بطور ہتھیار استعمال کرنے کی کوشش کر رہا ہے، پانی پاکستان کی بقا کا ضامن ہے، اس سلسلے میں بھارت کے ناپاک عزائم کا بھرپور توڑ کیا جائے گا۔

یہ بھی پڑھیں: ریاست سب کرسکتی ہے، اب خاموش تماشائی کا کردار نہیں بلکہ فیصلہ کرنا ہوگا: وزیراعلیٰ بلوچستان

نیشنل واٹر پالیسی 2018 کے تحت اقدامات

انہوں نے بتایا کہ پاکستان نے نیشنل واٹر پالیسی 2018 کے تحت مختلف اقدام مقرر کیے ہیں۔ آئندہ مالی سال کے دوران واٹر سٹوریج میں 10 بلین ایکڑ فٹ کا اضافہ کیا جائے گا، پانی کے ضیاع میں 35 فیصد کمی لائی جائے گی، انڈس واٹر کی رئیل ٹائم مانیٹرنگ کی جائے گی۔

مالی وسائل کی تقسیم

وزیر خزانہ نے بتایا کہ پانی کے منصوبوں پر گزشتہ سال 295 ارب روپے خرچ کیے گئے۔ آئندہ مالی سال کے دوران اس مقصد کیلئے 133 ارب روپے مختص کیے گئے ہیں۔ محمد اورنگزیب کے مطابق 32.7 ارب روپے بھاشا ڈیم کیلئے جب کہ مہمند ڈیم کیلئے 35.7 ارب روپے کی رقم مختص کی گئی ہے۔ کے فور کے لئے 3.2 ارب، انڈس بیسن سسٹم کیلئے 4.4 ارب، کچھی کینال فلڈ ڈیمیج کیلئے 69 کروڑ روپے مختص کیے گئے ہیں۔