وفاقی حکومت نے 11 نئے دانش سکولوں کے قیام کا اعلان کردیا، کہاں بنائے جائیں گے؟

وفاقی حکومت کا اعلان

اسلام آباد (ڈیلی پاکستان آن لائن) وفاقی حکومت نے آئندہ مالی سال کے دوران پسماندہ علاقوں کے طلبہ کیلئے 11 دانش سکولوں کے قیام کا اعلان کردیا۔ وفاقی وزیر خزانہ محمد اورنگزیب نے بجٹ تقریر کے دوران اس امر کا اعلان کیا۔

یہ بھی پڑھیں: پی ٹی آئی سے اتحاد نہیں مگر پارلیمنٹ میں تعاون کریں گے: کامران مرتضیٰ

سکولوں کی تقسیم

انہوں نے بتایا کہ تین دانش سکول آزاد کشمیر، تین گلگت بلتستان اور چار بلوچستان میں قائم کیے جائیں گے۔ ایک دانش سکول وفاقی دارالحکومت اسلام آباد میں بنایا جائے گا۔

یہ بھی پڑھیں: بلاول ہاؤس کے قریب سے سیف سٹی کیمروں کا اہم ڈسٹری بیوشن باکس ہی چوری ہو گیا

مالی وسائل کی فراہمی

انہوں نے اعلان کیا کہ دانش سکولوں کے قیام کیلئے آئندہ مالی سال کے دوران 9.8 ارب روپے مختص کیے گئے ہیں۔

دانش یونیورسٹی کا قیام

وزیر خزانہ کے مطابق دانش یونیورسٹی اسلام آباد بھی قائم کی جائے گی جو دانش سکولوں کا ہی تسلسل ہوگی۔ یہ پسماندہ اور دور دراز کے طلبہ کو اعلیٰ تعلیم کے مواقع فراہم کرے گی۔