پاکستان کا پہلا ملازمین دوست، کسان دوست، صنعتکار دوست اور عوام دوست بجٹ پیش کرنے پر خراج تحسین پیش کرتے ہیں: مریم نواز

وزیراعلیٰ پنجاب کی مبارکباد

لاہور ( ڈیلی پاکستان آن لائن ) وزیراعلیٰ پنجاب مریم نواز نے عوام دوست اور متوازن بجٹ پیش کرنے پر وزیراعظم محمد شہبازشریف اور ان کی ٹیم کو مبارکباد دی ہے۔

یہ بھی پڑھیں: انڈر 19 سہ ملکی سیریز، پاکستان نے افغانستان کو 1 وکٹ سے شکست دیدی

بجٹ کی خصوصیات

تفصیلات کے مطابق وزیراعلیٰ مریم نواز نے کہا کہ پاکستان مسلم لیگ(ن) کے قائد محمد نوازشریف کی رہنمائی اور وزیراعظم محمد شہباز شریف کی قیادت میں بہترین بجٹ پیش کیا گیا ہے۔ پاکستان کا پہلا ملازمین دوست، کسان دوست، صنعتکار دوست اور عوام دوست بجٹ پیش کرنے پر خراج تحسین پیش کرتے ہیں۔

یہ بھی پڑھیں: بنگلہ دیش کے ساتھ زیادتی ہورہی ہے، پاکستان ٹیم ورلڈکپ کھیلنے جائیگی یا نہیں، فیصلہ حکومت کریگی، محسن نقوی

مستقبل کی امیدیں

وزیر اعلیٰ مریم نواز نے کہا کہ بجٹ پائیدار ترقی کے اہداف کے حصول میں معاون ثابت ہوگا۔ اللہ تعالیٰ کے فضل و کرم سے نئے مالی سال کا بجٹ عوام کے لیے خوشی اور خوشحالی لائے گا۔ معیشت کی ترقی کا ثمر ہر فرد تک پہنچانے کے لیے پرعزم ہیں۔ پاکستان معاشی گرداب سے نکل کر ترقی کی راہ پر گامزن ہو چکا ہے۔

یہ بھی پڑھیں: تحریک انصاف کے نام پر جیت کر ن لیگ کا حصہ بننے والے ایم پی اے کے ششکے، بزرگ خاتون کے سامنے پورے جسم پر پرفیوم چھڑکتے رہے، اجمل جامی کو بھی غصہ چڑھ گیا۔

تعلیم اور صحت کی اہمیت

تعلیم اور صحت کے لیے ریکارڈ بجٹ مختص کرنا پاکستان مسلم لیگ(ن) کی قیادت کے عوام سے لگاؤ کا منہ بولتا ثبوت ہے۔ آئی ایم ایف پروگرام سے نجات حاصل کرنے کا عزم شاندار مستقبل کی نوید ثابت ہوگا۔

عوام کے لیے ریلیف

بجٹ میں متوسط طبقے کو ریلیف دیا گیا ہے، مصنوعی مہنگائی مزید کم ہوگی۔ وطن عزیز میں پائیدار ترقی کا سفر شروع ہو چکا ہے۔ عوام کے لیے آسانیوں کے دن آ چکے ہیں۔