عالمی مارکیٹ میں خام تیل کی قیمت 2 ماہ کی بلند ترین سطح پر پہنچ گئی

خام تیل کی قیمتوں میں اضافہ

نیو یارک(ڈیلی پاکستان آن لائن) امریکہ اور چین کے درمیان تجارتی معاہدے کے بعد خام تیل کی قیمت 2 ماہ کی بلند ترین سطح پر پہنچ گئی ہے۔

یہ بھی پڑھیں: کبھی بھرپور پروٹوکول میں گھومنے والا سابق امریکی صدر جو بائیڈن کا بیٹا اب کہاں اور کس حال میں ہے؟ نئی تصویر سامنے آگئی۔

تازہ ترین قیمتیں

لندن سے موصولہ اطلاعات کے مطابق برینٹ خام تیل دو ماہ بعد 68 ڈالرز فی بیرل کی سطح عبور کر گیا، جبکہ ڈبلیو ٹی آئی خام تیل 66 ڈالر 46 سینٹس میں فروخت ہوا۔

یہ بھی پڑھیں: ریاستی اداروں کے خلاف مہم؛ احمد نورانی، معید پیرزادہ سمیت 5 ملزمان کے خلاف مقدمات درج

تجارتی معاہدے کی تفصیلات

واضح رہے کہ امریکی صدر ڈونلڈ ٹرمپ نے چین اور امریکا کے درمیان تجارتی معاہدہ ہونے کا اعلان کیا تھا۔ انھوں نے سوشل میڈیا پر جاری کیے گئے بیان میں کہا کہ امریکا اور چین کے تعلقات بہترین ہیں۔ چین کے ساتھ معاہدہ مکمل ہو گیا، اب میری اور چینی صدر کی حتمی منظوری ہو گی۔

یہ بھی پڑھیں: دبئی سے دہلی، کابل سے کراچی،غیر رسمی تجارت کے خفیہ راستے اور قومی مفاد

ٹیرف کا فرق

ٹرمپ نے کہا ہے کہ امریکہ مجموعی طور پر 55 فیصد ٹیرف حاصل کر رہا ہے، جبکہ چین کو ٹیرف 10 فیصد مل رہا ہے۔ چین میگنٹس اور ضروری نایاب معدنیات امریکہ کو فراہم کرے گا۔

مزید معلومات

ان کا یہ بھی کہنا ہے کہ ہم چینی طلباء کی امریکہ میں تعلیم سمیت جن چیزوں پر اتفاق ہوا ہے وہ چین کو دیں گے۔