سندس فاؤنڈیشن کے وفد کی اوورسیز پاکستانیز کمیشن پنجاب کے وائس چیئرپرسن بیرسٹر امجد ملک سے ملاقات

ملاقات کا پس منظر

لاہور (ڈیلی پاکستان آن لائن) سندس فاؤنڈیشن کے اعلیٰ سطحی وفد نے اوورسیز پاکستانیز کمیشن (OPC) پنجاب کے وائس چیئرپرسن بیرسٹر امجد ملک سے ایک اہم ملاقات کی، جس کا مقصد فلاحی شعبے میں باہمی تعاون کو فروغ دینا اور مشترکہ سماجی سرگرمیوں پر تبادلۂ خیال کرنا تھا۔

یہ بھی پڑھیں: مکہ مکرمہ میں موسلا دھار بارش، سڑکیں زیر آب آگئیں

وفد کی تشکیل

سندس فاؤنڈیشن کے وفد میں چیف آپریٹنگ آفیسر عبد الستار، سینئر مینیجر فیصل حمید، اور کمیونٹی ایمبیسیڈر وجاہت علی شامل تھے۔ اس ملاقات میں دونوں اداروں نے بلڈ ڈونیشن ڈرائیوز، اوورسیز پاکستانی کمیونٹی کی فلاح و بہبود، اور صحت عامہ کے دیگر منصوبوں پر اشتراک کے امکانات کا جائزہ لیا۔

یہ بھی پڑھیں: بھارتی مندر میں آگ پر چلنے کی رسم، لوگوں کا شدید رش، ڈھلوان سے ایک دوسرے کے اوپر گرنے لگے، بڑی تعداد میں ہلاکتیں

بیرسٹر امجد ملک کی رائے

بیرسٹر امجد ملک نے سندس فاؤنڈیشن کی خدمات کو سراہتے ہوئے کہا کہ ’’سندس فاؤنڈیشن نے تھلیسیمیا جیسے مہلک مرض سے متاثرہ بچوں کے لیے جو خدمات انجام دی ہیں، وہ قابلِ تحسین ہیں۔ اوورسیز پاکستانی کمیونٹی کو اس عظیم مقصد کا حصہ بنانا ایک خوش آئند قدم ہوگا۔‘‘

مستقبل کے منصوبے

سندس فاؤنڈیشن کے نمائندوں نے اس موقع پر مستقبل قریب میں بیرونِ ملک مقیم پاکستانیوں کے ساتھ مل کر بلڈ ڈونیشن کیمپینز، آگاہی پروگرامز اور رضاکارانہ خدمات کے لیے منصوبہ بندی پر بات چیت کی۔ دونوں اداروں نے باہمی تعاون کے فروغ پر اتفاق کیا اور ایک مشترکہ ورکنگ گروپ تشکیل دینے کی تجویز بھی پیش کی۔