ایران کا جوابی حملہ شروع، کئی میزائل داغ دیے، اسرائیل کا ملٹری ہیڈ کوارٹر نشانہ بننے کی اطلاعات

ایران کا اسرائیل پر بیلسٹک میزائل حملہ

تل ابیب (ڈیلی پاکستان آن لائن) اسرائیل کے حملے کے جواب میں ایران نے بیلسٹک میزائلوں کے ذریعے اسرائیل کو نشانہ بنانا شروع کر دیا ہے۔

یہ بھی پڑھیں: پراپرٹی کے بادشاہ کو پھانسی سے بچنے کے لیے نو ارب ڈالر کی قرض درکار

حملوں کی شدت

غیر ملکی میڈیا کے مطابق ایران کی طرف سے متعدد میزائل فائر کیے گئے ہیں جو اسرائیل کے مختلف علاقوں کو نشانہ بنا رہے ہیں۔ اسرائیل کے دفاعی نظام ان میزائلوں کو ناکارہ بنانے کی کوشش کر رہے ہیں لیکن کچھ میزائلوں کے ان سے بچ کر اہداف پر گرنے کی اطلاعات ہیں۔ اسرائیل کے مقامی میڈیا کا کہنا ہے کہ ایران کا جوابی حملہ جاری ہے اور میزائلوں میں کمی ہوتی ہوئی نظر نہیں آ رہی۔

یہ بھی پڑھیں: پاکستان تحریک انصاف سپین کے زیر اہتمام عمران خان کی حمایت میں ریلی، ڈاکٹر شہباز گل کی خصوصی شرکت

تل ابیب میں ممکنہ نشانہ

دوسری طرف یہ اطلاعات بھی موصول ہورہی ہیں کہ ایرانی میزائلوں نے تل ابیب میں اسرائیل کے فوجی ہیڈ کوارٹرز کو نشانہ بنایا ہے تاہم اس کی تاحال تصدیق نہیں ہو سکی۔ کچھ میڈیا اداروں نے رپورٹ کیا ہے کہ اسرائیل کے ملٹری ہیڈ کوارٹر کے قریب آگ لگی ہوئی ہے۔

شہریوں کی احتیاطی تدابیر

اسرائیلی حکام کی جانب سے اپنے شہریوں کو پہلے ہی خبردار کر دیا گیا تھا کہ وہ پناہ گاہوں کے قریب رہیں اور بڑی تعداد میں جمع ہونے سے گریز کریں۔ اسرائیلی فوج نے شہریوں سے درخواست کی ہے کہ وہ ایرانی حملے سے متاثرہ مقامات کی ویڈیوز شیئر نہ کریں کیونکہ اس سے دشمن کو امپیکٹ کا اندازہ ہوجائے گا اور وہ ان ویڈیوز کے ذریعے اپنے حملوں میں بہتری لا سکتا ہے۔