پاکستان کو FATF میں سفارتی فتح کیسے ملی ،عالمی برادری نےبھارتی پراپیگنڈےپر کیوں توجہ نہیں دی۔۔۔؟اہم تفصیلات جانیے
پاکستان کی FATF میں سفارتی فتح
لاہور (طیبہ بخاری سے) پاکستان کو FATF میں سفارتی فتح کیسے ملی؟ عالمی برادری نے بھارتی پراپیگنڈے پر کیوں توجہ نہیں دی؟ اس حوالے سے اہم تفصیلات سامنے آئی ہیں۔
یہ بھی پڑھیں: بھارت میں بچی کے ساتھ گینگ ریپ کا دلخراش واقعہ، بی جے پی سے تعلق رکھنے والی “ماں” سہولت کار ی پر گرفتار
بھارتی حکمت عملی ناکام
آپریشن بنیان مرصوص میں ہزیمت اٹھانے کے بعد بھارتی حکومت نے پاکستان کو سفارتی سطح پر تنہا کرنے کے لیے لاکھوں جتن کیے۔ بھارتی حکومت کی جانب سے ذرائع ابلاغ اور سفارتی سطح پر پاکستان کے خلاف پروپیگنڈا اور الزام تراشی کی گئی مگر عالمی برادری کی جانب سے بھارتی بیانیے کو بالکل بھی پذیرائی نہیں ملی۔
یہ بھی پڑھیں: لاہور میں شہری کو اغوا، تشدد اور بھتہ مانگنے والے پولیس اہلکاروں سمیت 7 افراد کے خلاف مقدمہ درج
FATF اجلاس اور پاکستان کی حیثیت
بھارت کے سفارتی وفد کا بڑا ایجنڈا پاکستان کو FATF اجلاس میں ایک بار پھر گرے لسٹ میں شامل کروانے کا تھا، مگر آج ہونے والے اجلاس میں پاکستان کو پہلے سے جاری "رپورٹنگ" پر رکھتے ہوئے گرے لسٹ میں شامل نہیں کیا گیا، جس سے بھارت اپنے مطلوبہ نتائج حاصل کرنے میں مکمل طور پر ناکام ہو چکا ہے۔
یہ بھی پڑھیں: سپیریئر یونیورسٹی ریکیمپس میں فرش مین پروگرام کی گریجویشن تقریب کا انعقاد، قونصل جنرل کی خصوصی شرکت
چین اور ترکی کی حمایت
فنانشل ایکشن ٹاسک فورس (FATF) کے ذیلی ادارے انٹرنیشنل کوآپریشن ریویو گروپ (ICRG) کا اجلاس آج ہوا، جس میں پاکستان کو گرے لسٹ میں شامل نہ کرنے کا فیصلہ کیا گیا۔ اجلاس کے دوران چین نے واضح مؤقف اختیار کرتے ہوئے پاکستان کے لیے ریلیف کی حمایت کی جبکہ ترکی نے چین کے مؤقف کی توثیق کی۔ جاپان نے بھی پاکستان کی مکمل حمایت کی، کیونکہ وہ ایشیاء پیسیفک گروپ (APG) کے شریک چیئرمین ہے۔
یہ بھی پڑھیں: عمارت کو خطرناک قرار دیا گیا تھا، سندھ بلڈنگ کنٹرول اتھارٹی
سفارتی کامیابی
بھارت، جسے معرکۂ حق کے آپریشن بنیان مرصوص میں پاکستان کے ہاتھوں شکست کا سامنا کرنا پڑا تھا، کی پوری کوشش تھی کہ وہ کسی طرح FATF کو استعمال کرتے ہوئے پاکستان کو ایک بار پھر گرے لسٹ میں شامل کروا دے۔ مگر FATF کے رکن ممالک بھارت کی ہرزہ سرائی سے متاثر نہیں ہوئے اور پاکستان کی سفارتی کاوشوں کی وجہ سے یہاں بھی کامیابی ملی۔
یہ بھی پڑھیں: کراچی کے فیڈرل بی ایریا میں قتل ہونے والا شخص کون تھا۔۔؟ اہم انکشاف
پاکستان کی کامیاب اصلاحات
حقیقت پسندی سے جائزہ لیا جائے تو پاکستان اب تک FATF کی تمام ضروریات کو پورا کر چکا ہے اور اب اس کا کسی بھی لسٹ میں رہنے کا کوئی جواز نہیں ہے۔ یہ پاکستان کے لئے بہت بڑی فتح ہے کہ بھارت اور اسرائیل کی تمام سازشوں کے باوجود پاکستان کو گرے لسٹ میں شامل نہیں کیا گیا۔
یہ بھی پڑھیں: بھارت میں وینٹی لیٹر پر موجود بیمار ایئرہوسٹس کو زیادتی کا نشانہ بنایا گیا
بھارتی خفیہ ایجنسی کی مہم
پاکستان کے خلاف پروپیگنڈا مہم میں بھارتی خفیہ ایجنسی "را" پیش پیش رہی ہے۔ "را" نے پاکستان کو عالمی سطح پر بدنام کرنے کے لیے نئی دہلی میں ایک ڈس انفو لیب بھی قائم کی، جس کا بنیادی مقصد بین الاقوامی برادری کو پاکستان کے حوالے سے گمراہ کرنا تھا۔ اس ڈس انفو لیب کے ذریعے مسلسل جھوٹا، من گھڑت اور بے بنیاد پروپیگنڈا کیا جاتا رہا تاکہ پاکستان کی ساکھ کو نقصان پہنچایا جا سکے۔
پاکستان کی عالمی ساکھ
بھارت جھوٹ اور فریب کے بل بوتے پر عالمی سطح پر ناکام ہو چکا ہے، جبکہ پاکستان نے شفاف اصلاحات اور ذمہ دار عالمی طرزِ عمل کے ذریعے خود کو ایک قابلِ اعتماد ریاست کے طور پر منوایا ہے۔ یہ لمحہ پاکستان کی سفارت کاری کی فتح اور بھارت کی سازشوں کی ناکامی کا عکاس ہے۔
