ڈاکٹر افضل جاوید کو ’’آرڈر آف دی برٹش ایمپائر‘‘ کا اعلیٰ اعزاز مل گیا۔

لندن (ڈیلی پاکستان آن لائن) ممتاز ماہرِ نفسیات ڈاکٹر افضل جاوید کو برطانیہ کے بادشاہ کی جانب سے آرڈر آف دی برٹش ایمپائر (OBE) کا اعلیٰ اعزاز عطا کیا گیا ہے۔

ڈاکٹر افضل جاوید ماضی میں ورلڈ سائیکائٹرک ایسوسی ایشن کے صدر بھی رہ چکے ہیں اور عالمی سطح پر ذہنی صحت کے میدان میں ان کی خدمات کو غیر معمولی سراہا گیا ہے۔

یہ اعزاز انہیں برطانیہ اور بین الاقوامی سطح پر ذہنی صحت کے فروغ اور تحقیق میں نمایاں کردار ادا کرنے پر دیا گیا ہے۔