ڈیرہ بگٹی: سوئی میں پولیس گاڑی پر دستی بم حملہ، 2 اہلکار شہید

پولیس پر بم حملہ

ڈیرہ بگٹی (ڈیلی پاکستان آن لائن) بلوچستان کے ضلع ڈیرہ بگٹی کے علاقے سوئی میں پولیس گاڑی پر دستی بم حملے میں 2 پولیس اہلکار شہید جبکہ 1 زخمی ہوگیا۔

یہ بھی پڑھیں: سندھ طاس معاہدے کی منسوخی عالمی قوانین کی خلاف ورزی ہے، اسحاق ڈار

حملے کی تفصیلات

نجی ٹی وی جیو نیوز نے پولیس حکام کے حوالے سے بتایا کہ ڈیرہ بگٹی کے علاقے سوئی کی طوطا کالونی میں نامعلوم افراد نے گشت پر مامور پولیس موبائل پر دستی بم پھینکا، جو زور دار دھماکے سے پھٹ گیا۔

شہداء اور زخمی اہلکار

پولیس نے بتایا کہ دھماکے کے نتیجے میں پولیس موبائل میں سوار 2 اہلکار نصر الدین اور رحیم علی شہید ہوگئے جبکہ ایک اہلکار سب انسپکٹر انور زخمی ہوا، جسے طبی امداد کے لیے سوئی کے ہسپتال منتقل کردیا گیا ہے۔