اگر بھارت پانی روکتا ہے تو پھر پاکستان کے پاس جنگ کے سوا کوئی دوسرا آپشن نہیں، بلاول بھٹو

بلاول بھٹو زرداری کا بیان

لندن(ڈیلی پاکستان آن لائن) پاکستان کے سفارتی وفد کے سربراہ اور پاکستان پیپلزپارٹی کے چیئرمین بلاول بھٹو زرداری نے کہا ہے کہ اگر بھارت پانی روکتا ہے تو پھر پاکستان کے پاس جنگ کے سوا کوئی دوسرا آپشن نہیں۔ جرمن نشریاتی ادارے کو انٹرویو میں بلاول کا کہنا تھا کہ بھارت کی پاکستان کا پانی روکنے کی دھمکی یو این چارٹر کی خلاف ورزی ہے اور بھارت کی طرف سے پانی روکنا ہمارے وجود کو خطرے میں ڈالنے کے مترادف ہے۔

پانی کی اہمیت

انہوں نے کہا کہ پانی ہماری بقا ہے، کسی صورت اپنے حق سے دستبردار نہیں ہوسکتے۔ بلاول کا کہنا تھاکہ پاکستان میں دہشتگردی کے واقعات میں بھارت کا ہاتھ ہے، ہم نے کبھی نہیں کہا کہ دہشتگردی کی وجہ سے جنگ چھیڑ دیں گے، ہم ہرگز جنگ نہیں چاہتے، اگر بھارت پانی روکتا ہے تو پھر پاکستان کے پاس جنگ کے سوا کوئی دوسرا آپشن نہیں۔