آئی سی سی نے کرکٹ قوانین میں اہم تبدیلیاں کر دیں

آئی سی سی کے نئے قوانین کا اعلان

دبئی (ویب ڈیسک) انٹرنیشنل کرکٹ کونسل (آئی سی سی) نے مینز کرکٹ کے تینوں فارمیٹس (ٹیسٹ، ون ڈے اور ٹی ٹوئنٹی) کے قوانین میں اہم تبدیلیاں کرتے ہوئے نئے قوانین کا اعلان کیا ہے۔

یہ بھی پڑھیں: پاکستان اور بھارت کے درمیان پس پردہ مذاکرات جاری ہیں، راناثنا اللہ کا انکشاف

نئے قوانین کا مقصد

نجی ٹی وی جیونیوز کے مطابق کرکٹ کے نئے قوانین آئی سی سی مینز کرکٹ کمیٹی کی سفارش پر تیار کیے گئے ہیں، جسے چیف ایگزیکٹوز کمیٹی نے منظور کیا۔ نئے قوانین کا مقصد کھیل میں بیٹ اور بال کے درمیان توازن قائم کرنا ہے۔

یہ بھی پڑھیں: شاہ محمود قریشی کی طبیعت ناساز لیکن دراصل انہیں کن طبی مسائل کا سامنا ہے؟ مہربانو قریشی کا موقف آگیا

گیندوں کے استعمال میں تبدیلی

فی الحال پورے ون ڈے میچ میں ہر اننگز کے دوران دونوں اینڈز (وکٹ کی دونوں جانب) سے 2 نئی گیندیں استعمال کی جاتی ہیں۔ تاہم اب آئی سی سی کی جانب سے اس میں تبدیلی کی گئی ہے۔

آئی سی سی کے نئے قوانین کے مطابق اننگز کے آغاز سے لے کر صرف 34ویں اوور کے اختتام تک دونوں اینڈز سے 2 گیندیں استعمال کی جائیں گی۔ 34ویں اوور کے بعد بولنگ ٹیم ان دونوں گیندوں میں سے صرف ایک کا انتخاب کرے گی، جو پھر 35ویں سے 50ویں اوور تک دونوں اینڈز سے استعمال کی جائے گی۔ اگر ون ڈے میچ 25 اوورز یا اس سے کم کا ہو تو صرف ایک گیند ہی استعمال کی جائے گی۔

اس تبدیلی سے بولرز کو خاص طور پر اختتامی اوورز میں ریورس سوئنگ کا فائدہ ملے گا، جو نئی گیندوں کے استعمال کی وجہ سے کم ہو چکا تھا۔

یہ بھی پڑھیں: ستاروں کی روشنی میں آپ کا آئندہ ہفتہ کیسا گزرے گا ؟

متبادل کھلاڑیوں کی نامزدگی

آئی سی سی کے مطابق اب ٹیموں کو ہر بین الاقوامی میچ شروع ہونے سے پہلے 5 متبادل کھلاڑی نامزد کرنے ہوں گے۔ جن میں ایک وکٹ کیپر، ایک بیٹر، ایک فاسٹ بولر، ایک اسپن بولر اور ایک آل راؤنڈر شامل ہوگا۔

تحفیل میں اگر ان میں سے کسی متبادل کو چوٹ لگتی ہے تو میچ ریفری کی اجازت سے ایک اور کھلاڑی کو شامل کیا جاسکتا ہے، جو پہلے سے 5 سبسٹیٹیوٹ کھلاڑیوں کی لسٹ میں شامل نہ ہو۔

یہ قانون مینز کرکٹ میں تینوں فارمیٹس کے لیے ہے۔