بااثر ممالک نے ایران کے خلاف ووٹ دینے کا کہا لیکن ہم نے۔۔۔؟ اسحاق ڈار نے تہلکہ خیز انکشاف کر دیا

نائب وزیراعظم کا اہم انکشاف

اسلام آباد ( ڈیلی پاکستان آن لائن ) نائب وزیراعظم، وزیر خارجہ سینیٹر اسحاق ڈار نے انکشاف کیا ہے کہ بعض بااثر ممالک نے ہمیں ایران کے خلاف ووٹ دینے کا کہا لیکن ہم نے صاف انکار کردیا۔

یہ بھی پڑھیں: پہلگام حملے کے بعد بھارت میں مسلم مخالف نفرت انگیز جرائم میں خطرناک اضافہ، 19 ریاستوں میں 184 واقعات رپورٹ

پاکستان کا موقف

’’جیو نیوز‘‘کے پروگرام’’ کیپٹل ٹاک‘‘ میں گفتگو کرتے ہوئے اسحاق ڈار نے کہا کہ یہ خبر جھوٹ کا پلندہ ہے کہ پاکستان نے ایران کو اسرائیل پر جوہری حملے کی یقین دہانی کرائی ہے۔ بھارت کا پروپیگنڈا من گھڑت ہے۔ پاکستان کی طرف میلی آنکھ سے دیکھنے والوں کی ایسی کی تیسی، پاکستان کا جوہری پروگرام سیکیورٹی کے لیے ڈیٹیرنس ہے اور ہمارا یہ بیانیہ دنیا میں ریکارڈ ہوچکا ہے۔

یہ بھی پڑھیں: پاکستانی صارفین کے طنز بھرے تبصرے، سچن ٹنڈولکر چائے کے کپ کے ساتھ ٹویٹ کرکے بڑی مشکل میں پھنس گئے

ایران کی حمایت

سینیٹر اسحاق ڈار کا کہنا تھا کہ پاکستان تمام سفارتی فورمز پر ایران کو سپورٹ کررہا ہے اور کرے گا، ہم ہر فورم پر اپنا کردار تنازع کے پرامن حل کے لیے ضرور ادا کریں گے۔

یہ بھی پڑھیں: نہ سرجری نہ کیمو تھراپی،چین سے کینسر کا جدید طریقہ علاج اورمشینری لانے پر اتفاق،اہم امور طے پا گئے

بھارت کے ساتھ مذاکرات

اسحاق ڈار نے یہ بھی کہا کہ ہم بھارت سے بات کرنے کو تیار ہیں، ہم بھارت سے صرف دہشت گردی پر نہیں بلکہ کشمیر، پانی سمیت تمام مسائل پر بات کریں گے۔ بھارت کو سبق سیکھنا چاہیے کہ وہ اپنے جھوٹ کی وجہ سے دنیا میں بے نقاب ہوا، دنیا میں اس نے وفود بھیجے جو ناکام ہوئے۔

موجودہ کشیدگی پر ردعمل

حالیہ کشیدگی میں واضح ہدایات تھیں کہ جو ہماری فضائی حدود کو پار کرے گا نشانہ بنائیں گے، دنیا کو بتایا کہ بھارت جھوٹ بول رہا ہے، آپ ریکارڈ چیک کریں۔ این پی ٹی پر ہمارا موقف ہے کہ جب تک بھارت سائن نہیں کرتا ہم بھی نہیں کریں گے۔ بھارت کی خطے میں سپرمیسی کا تاثر حالیہ کشیدگی میں ختم ہوچکا ہے۔