امریکہ کا اسرائیل، ایران حملوں کے تناظر میں بڑی تعداد میں ایئر ریفیولنگ ٹینکر طیارے منتقل کرنے کا فیصلہ

امریکہ کا اسرائیل اور ایران کے تناظر میں اقدام

واشنگٹن (ڈیلی پاکستان آن لائن) امریکہ نے اسرائیل اور ایران کے درمیان جاری فضائی حملوں کے تناظر میں "بڑی تعداد میں" ایئر ریفیولنگ ٹینکر طیارے یورپ منتقل کرنے کا فیصلہ کیا ہے، تاکہ مشرق وسطیٰ کے قریب رہتے ہوئے فوری ردعمل کی صلاحیت کو بہتر بنایا جا سکے۔

یہ بھی پڑھیں: توشہ خانہ ٹو کیس؛ عمران خان، بشریٰ بی بی کی بریت کی درخواستیں سماعت کیلیے مقرر کرنیکا حکم

صدر ٹرمپ کی مزید آپشنز کی تلاش

ایک امریکی عہدیدار نے فاکس نیوز کو تصدیق کرتے ہوئے بتایا کہ یہ اقدام صدر ڈونلڈ ٹرمپ اور امریکی سینٹرل کمانڈ (سینٹ کام) کے کمانڈر جنرل ایرک کُریلا کے لیے مزید آپشنز مہیا کرنے کے لیے کیا جا رہا ہے۔ یہ پیش رفت ایسے وقت میں سامنے آئی ہے جب اسرائیل نے تہران پر تازہ فضائی حملے شروع کیے ہیں۔

امریکی بحریہ کی تعیناتی

اسی دوران امریکی بحریہ کا طیارہ بردار بحری بیڑا یو ایس ایس نیمٹز (USS Nimitz) بھی جنوبی بحیرہ چین سے مشرق وسطیٰ کی جانب روانہ ہو چکا ہے۔ ایک امریکی عہدیدار کے مطابق، نیمٹز کی تعیناتی پہلے سے طے شدہ تھی تاکہ وہ یو ایس ایس کارل ونسن (USS Carl Vinson) کو تبدیل کرے، جو کئی ماہ سے تعینات ہے۔ تاہم موجودہ صورت حال کے پیش نظر نیمٹز کو قبل از وقت روانہ کیا گیا ہے، جس کا مطلب یہ ہے کہ دونوں طیارہ بردار بیڑے ایک ہی وقت میں مشرق وسطیٰ میں موجود ہوں گے۔