کب تک آئی ایم ایف سے قرضے لے کر ملک چلائیں گے: چیئرمین نیب

لاہور میں نیب چیئرمین کا خطاب

لاہور (ڈیلی پاکستان آن لائن) چیئرمین نیب لیفٹیننٹ جنرل ریٹائرڈ نذیر احمد نے کہا کہ کب تک آئی ایم ایف سے قرضے لے کر ملک چلائیں گے۔

یہ بھی پڑھیں: جب کارگل جنگ میں ہمارے سپاہی مر رہے تھے، تب بھی ہم نے پاکستانی کھلاڑیوں سے ہاتھ ملائے تھے تو اب ایسا کیوں ؟سابق بھارتی وزیر ششی تھرور

بزنس کمیونٹی کی حمایت

نجی ٹی وی چینل دنیا نیوز کے مطابق، چیئرمین نیب نے تقریب سے خطاب کرتے ہوئے کہا کہ بزنس کمیونٹی معاشی بہتری کا سفر شروع کرے۔ ریاست مکمل تعاون فراہم کرے گی اور بزنس کمیونٹی پاکستان کو ٹریلین ڈالر اکانومی بنانے کے مشن پر کام کرے۔

یہ بھی پڑھیں: بدین؛گاڑیاں آپس میں ٹکرانے سے 2افراد جاں بحق، 30 سے زائد مویشی ہلاک

پاکستان کی حالیہ کامیابیاں

لیفٹیننٹ جنرل ریٹائرڈ نذیر احمد نے مزید کہا کہ گزشتہ کچھ عرصے میں پاکستان نے بہت ساری کامیابیاں حاصل کی ہیں۔ بزنس کمیونٹی کے مسائل کے حل کی پوری کوشش کریں گے اور بزنس فرینڈلی ریگولیٹری میکانزم آپ کے ساتھ مل کر بنائیں گے۔

کاروباری ماحول کی بہتری

چیئرمین نیب کا مزید کہنا تھا کہ جس ملک میں بزنس مین ہراسگی کا شکار ہو، وہاں کاروبار پھیل نہیں سکتا۔