یہ تحفہ نہیں آپ کا کام ہے: گلوکار طلحہ انجم کی حکومتِ سندھ پر تنقید

ریپر طلحہ انجم کی حکومتِ سندھ پر تنقید

کراچی (ویب ڈیسک) ریپر طلحہ انجم نے حکومتِ سندھ پر تنقید کرتے ہوئے سوشل میڈیا پر اپنی رائے کا اظہار کیا ہے۔

یہ بھی پڑھیں: سکیورٹی وجوہات: گلگت و سکردو کی فلائٹس آج بھی منسوخ و تاخیر کا شکار

وزیراعلیٰ سندھ کا بیان

اپنی انسٹاگرام اسٹوری میں انہوں نے وزیراعلیٰ سندھ مراد علی شاہ کے اُس بیان پر ردِ عمل دیا جس میں "شاہراہِ بھٹو" کو کراچی کے عوام کے لیے پیپلز پارٹی کی حکومت کا "تحفہ" قرار دیا گیا تھا.

یہ بھی پڑھیں: بالی ووڈ اداکارہ خوشی کپور نے معروف اداکار کے ساتھ تعلقات کا اعتراف کر لیا

طلحہ انجم کا ردِ عمل

طلحہ انجم نے اس بیان کو مسترد کرتے ہوئے کہا کہ یہ کوئی تحفہ نہیں بلکہ حکومت کا کام ہے، جو اسے عوام کے لیے انجام دینا چاہیے۔ انہوں نے مزید کہا کہ وہ گزشتہ 15 سالوں سے سندھ میں بدترین طرزِ حکمرانی دیکھ رہے ہیں، اور اب بھی حکومت کی جانب سے ایسے بیانات دینا باعثِ حیرت ہے۔

سوشل میڈیا پر پذیرائی

طلحہ انجم، جو اپنے تلخ اور براہِ راست اندازِ بیان کے لیے جانے جاتے ہیں، اس سے قبل بھی مختلف مواقع پر عوامی مسائل کے لئے آواز اٹھاتے رہے ہیں۔ ان کے اس بیان کو سوشل میڈیا صارفین کی جانب سے بھرپور پذیرائی ملی اور کئی صارفین نے حکومتِ سندھ کی کارکردگی پر سوالات اٹھاتے ہوئے ان کی حمایت کی۔