خیبرپختونخوا: تین پہیوں والی گاڑیوں کیلئے الگ جرمانہ سلیب متعارف

خیبرپختونخوا حکومت کا نیا بجٹ

پشاور (ڈیلی پاکستان آن لائن) خیبرپختونخوا حکومت نے آئندہ مالی سال کے بجٹ میں ٹریفک قوانین کی خلاف ورزیوں پر جرمانوں کا نیا شیڈول متعارف کرا دیا ہے۔ اس نئے شیڈول میں خاص طور پر تین پہیوں والی گاڑیوں اور کم عمر ڈرائیورز کے لیے الگ سلیب شامل کیا گیا ہے۔

یہ بھی پڑھیں: اسلام آباد میں ہنی ٹریپ کرنے والی افریقی خاتون نکلی، طریقہ واردات بھی سامنے آگیا

تین پہیوں والی گاڑیوں کے لیے جرمانے

نجی ٹی وی چینل آج نیوز کے مطابق، فنانس بل کے تحت رکشوں، چنگ چی اور لوڈر گاڑیوں کو تین پہیوں والی گاڑیوں کے زمرے میں شامل کیا گیا ہے۔ ان گاڑیوں پر ٹریفک خلاف ورزیوں کے لیے 200 سے 10 ہزار روپے تک کے جرمانے تجویز کیے گئے ہیں۔

یہ بھی پڑھیں: لاہور میں چالان جمع نہ کروانے والی گاڑیوں کیخلاف کریک ڈاؤن شروع، کس کس کی گاڑی پکڑی گئی ؟ جانیے

روٹ پرمٹ کی خلاف ورزی

نئے مجوزہ قوانین کے مطابق، روٹ پرمٹ کی پہلی خلاف ورزی پر 5 ہزار روپے جرمانہ ہوگا، جبکہ دوبارہ خلاف ورزی کے صورت میں جرمانے کو دگنا کرنے کی تجویز دی گئی ہے۔

یہ بھی پڑھیں: میرے ذہن میں کنفیوژن تھی کہ اگر سینیٹ امیدواروں کی لسٹ عمران خان نے منظور کی تو میرٹ کی دھجیاں اڑادیں:اینکرپرسن عدنان حیدر

جعلی ڈرائیونگ لائسنس کے خلاف اقدامات

فیک ڈرائیونگ لائسنس کے معاملے میں بھی سخت اقدامات تجویز کیے گئے ہیں۔ جعلی لائسنس کے ساتھ گاڑی چلانے والوں پر 5 سے 10 ہزار روپے تک جرمانہ کیا جا سکے گا۔

یہ بھی پڑھیں: عمران خان کے طبی معائنہ کے لیے علی امین گنڈاپور کا اسلام آباد ہائی کورٹ سے رجوع

کم عمر ڈرائیورز پر سختی

کم عمر ڈرائیورز کے لیے بھی سختی کی گئی ہے۔ فنانس بل کے مطابق، 18 سال سے کم عمر موٹر سائیکل سواروں پر 1 سے 3 ہزار روپے جرمانہ ہوگا، جبکہ چھوٹی گاڑی چلانے پر 5 ہزار روپے جرمانہ کی تجویز شامل کی گئی ہے.

نئے مجوزہ جرمانوں کا مقصد

نئے مجوزہ جرمانوں کا مقصد ٹریفک نظم و ضبط کو بہتر بنانا اور سڑکوں پر حادثات کی شرح کو کم کرنا ہے۔ حتمی منظوری کے بعد ان ترامیم کا اطلاق صوبے بھر میں ہوگا.