ایران مذاکرات کرنا چاہتا ہے لیکن اب کافی دیر ہو چکی، وہ وائٹ ہاؤس آنے کیلیے بھی تیار ہیں، امریکی صدر

ٹرمپ کا بیان ایران کے حوالے سے

واشنگٹن (ڈیلی پاکستان آن لائن) امریکی صدر ڈونلڈ ٹرمپ نے واضح کیا ہے کہ ایران کو مشکلات کا سامنا کرنا پڑے گا۔

یہ بھی پڑھیں: مرغی کا گوشت مزید سستا ہو گیا

وائٹ ہاؤس میں پریس کانفرنس

وائٹ ہاؤس میں میڈیا سے گفتگو کرتے ہوئے، ٹرمپ نے کہا کہ آج ایران بات کرنا چاہ رہا ہے اور وائٹ ہاؤس آنے کے لیے بھی تیار ہے، مگر ہماری بات چیت پہلے کیوں نہیں ہوئی؟

ٹرمپ کا پیغام ایران کے لیے

ڈونلڈ ٹرمپ نے مزید کہا کہ مجھے نہیں پتہ کہ یہ سب مزید کتنی دیر چلے گا۔ آج بھی ایران کے لیے واضح پیغام یہی ہے کہ غیر مشروط سرنڈر کرے۔ انہوں نے کہا کہ ایرانی 40 سال سے "امریکا مردہ باد" اور "اسرائیل مردہ باد" کے نعرے لگا رہے ہیں۔