فیلڈ مارشل عاصم منیر اور امریکی صدر کی ملاقات کا اعلامیہ جاری

ملاقات کا اعلامیہ

راولپنڈی(ڈیلی پاکستان آن لائن)فیلڈ مارشل عاصم منیر اور امریکی صدر کی ملاقات کا اعلامیہ جاری  کردیا گیا۔

یہ بھی پڑھیں: بانی پی ٹی آئی کی بچوں سے فون پر بات اور میڈیکل چیک اپ کی درخواستیں منظور

اعلیٰ سطح ملاقات

پاک فوج کی شعبہ تعلقات عامہ آئی ایس پی آر کے مطابق فیلڈ مارشل سید عاصم منیر کی امریکی صدر ڈونلڈ ٹرمپ سے ملاقات ہوئی۔ یہ اعلیٰ سطح کی ملاقات وائٹ ہاوس کے اوول آفس میں ہوئی۔ امریکی صدر نے فیلڈ مارشل کے اعزاز میں کیبنٹ روم میں ظہرانہ دیا۔ ملاقات کے بعد اوول آفس کا دورہ کیا گیا۔ امریکی وزیر خارجہ سینیٹر مارکو روبیو اور مشرق وسطیٰ امور کے امریکی خصوصی نمائندے اسٹیوونکوف بھی ملاقات میں موجود تھے۔ فیلڈ مارشل عاصم منیر کے ساتھ پاکستان کے قومی سلامتی کے مشیر بھی ملاقات میں شریک تھے۔

یہ بھی پڑھیں: مدارس کا ہر نوجوان فوج کے ساتھ صف اول پر ہوگا، مولانا فضل الرحمان

صدر ٹرمپ کا شکریہ

آئی ایس پی آر کے مطابق ملاقات میں آرمی چیف نے پاکستان اور اس کے عوام کی جانب سے صدر ٹرمپ کا شکریہ ادا کیا۔ انہوں نے صدر ٹرمپ کی اقوام عالم کے چیلنجز سمجھنے کی قائدانہ صلاحیتوں کو سراہا۔

یہ بھی پڑھیں: بہو کی لاش کے ٹکڑے کروانے کے لیے ساس نے ملزم کو کتنے پیسے دیے؟ تہلکہ خیز انکشاف سامنے آگیا

دونوں ممالک کے درمیان تعاون

صدر ٹرمپ نے پاکستان کی علاقائی امن و استحکام کیلئے جاری کوششوں کو سراہا اور انسداد دہشتگردی میں دونوں ممالک کے درمیان مضبوط تعاون کی تعریف کی۔ دونوں جانب سے انسداد دہشتگردی کے شعبے میں مسلسل تعاون کے عزم کا اعادہ کیا گیا۔ ملاقات میں تجارت، معدنیات، مصنوعی ذہانت، توانائی اور کرپٹو کرنسی کے شعبوں میں دوطرفہ تعاون پر بھی بات چیت ہوئی۔

یہ بھی پڑھیں: ڈیڑھ سال سے حکومت نے میری تنخواہ بند کر دی ہے” مایوس ہو کر اپنے گولڈ میڈل سیل پر لگانے والا پاکستانی ہیرو

طویل مدتی شراکت داری

آئی ایس پی آر کے مطابق صدر ٹرمپ نے پاکستان سے طویل مدتی سٹریٹجک اشتراک پر مبنی شراکت داری میں دلچسپی کا اظہار کیا۔ انہوں نے مشترکہ مفادات پر مبنی تجارتی شراکت داری میں بھی دلچسپی دکھائی۔

یہ بھی پڑھیں: ایشیا کپ، افغانستان نے سری لنکا کو جیت کے لیے 170 رنز کا ہدف دے دیا

ایران اور اسرائیل کے درمیان کشیدگی

ملاقات میں ایران اور اسرائیل کے درمیان جاری کشیدگی پر بھی تفصیلی تبادلہ خیال کیا گیا۔ دونوں رہنماوں نے ایران اور اسرائیل تنازعے کے پرامن حل کی اہمیت پر زور دیا۔ صدر ٹرمپ نے مشکل علاقائی حالات میں فیلڈ مارشل عاصم منیر کی قیادت اور فیصلہ کن کردار کو سراہا۔

یہ بھی پڑھیں: اسرائیل قطر میں دوبارہ حملہ نہیں کرے گا: ٹرمپ

دورہ پاکستان کی دعوت

آرمی چیف نے پاکستانی حکومت کی جانب سے صدر ٹرمپ کو مناسب موقع پر دورہ پاکستان کی دعوت دی۔

ملاقات کی دورانیہ

ایک گھنٹے کی شیڈول ملاقات 2 گھنٹوں سے زیادہ جاری رہی، جو پاک امریکا دیرینہ شراکت داری کو مزید مضبوط بنانے کی کوششوں میں اہم سنگ میل ہے۔