حمزہ علی عباسی نے شوبز چھوڑنے سے متعلق بیان کی وضاحت پیش کردی

اداکار حمزہ علی عباسی کا وضاحتی بیان

لاہور (ویب ڈیسک) معروف اداکار علم حمزہ علی عباسی نے شوبز سے کنارہ کشی کرنے سے متعلق اپنے بیان کی وضاحت پیش کردی۔

شوبز سے علیحدگی کا اعلان

حال ہی میں حمزہ علی عباسی نے ایک پوڈکاسٹ میں شوبز سے علیحدگی سے متعلق اپنے بیان کی وضاحت پیش کرتے ہوئے انہوں نے واضح کیا کہ انہوں نے کبھی شوبز کو مکمل خیرباد نہیں کہا بلکہ صرف ایک مختصر وقفہ لیا تھا۔

میڈیا کی غلط فہمیاں

حمزہ نے کہا، "میں نے ایک ویڈیو میں واضح طور پر کہا تھا کہ میں شوبز چھوڑ نہیں رہا، صرف بریک لے رہا ہوں، لیکن اگلے ہی دن میڈیا میں خبریں آگئیں کہ میں نے انڈسٹری چھوڑ دی ہے۔"

اسلامی تعلیمات کا تعلق

انہوں نے مزید کہا کہ وہ اسلامی تعلیمات کے طالب علم ہیں، وہ اسلامی اسکالر جاوید احمد غامدی کے نظریات سے متاثر ہیں اور اسلامی تعلیمات سیکھنے کے لیے امریکا بھی گئے تھے۔

عوام کی غلط سوچ

حمزہ نے افسوس کا اظہار کیا کہ لوگ اکثر مکمل ویڈیوز دیکھنے کے بجائے مختصر کلپس پر رائے قائم کرلیتے ہیں۔ ان کا کہنا تھا کہ ہماری انٹرٹینمنٹ انڈسٹری میں دین اور شوبز کو ایک دوسرے کی ضد سمجھا جاتا ہے، یہی وجہ ہے کہ ان کے بیان کو غلط انداز میں پیش کیا گیا۔

ماضی کی افواہیں

یاد رہے کہ 2019 میں یہ افواہیں سوشل میڈیا پر گردش کر رہی تھیں کہ حمزہ علی عباسی نے شوبز کیرئیر کو خیرباد کہہ دیا ہے تاہم کچھ عرصے بعد وہ دوبارہ پراجیکٹس کرتے نظر آئے تھے.