سپریم کورٹ کے ججز کا بیرون ملک سفر چیف جسٹس کی اجازت سے مشروط
بیرون ملک سفر کے نئے ضوابط
اسلام آباد (ڈیلی پاکستان آن لائن) سپریم کورٹ ججز کا بیرون ملک سفر چیف جسٹس کی اجازت سے مشروط کردیا گیا۔
یہ بھی پڑھیں: الیکشن آڈٹ کے امکانات: خواجہ آصف کی عدلیہ میں تبدیلی پر تشویش
نئے جنرل سٹینڈنگ آرڈر
نجی ٹی وی چینل ہم نیوز کے مطابق سپریم کورٹ رجسٹرار آفس نے جنرل سٹینڈنگ آرڈر کے تحت سپریم کورٹ کے ججز کے بیرون ملک سفر اور چھٹیوں کے لیے ضابطہ کار طے کر دیا ہے۔
یہ بھی پڑھیں: سیمنٹ ساز کمپنیوں کی پی آئی اے کی خریداری میں شامل ہونے کی دوڑ
این او سی کی ضرورت
اس آرڈر کے تحت اب ججز کو بیرون ملک جانے کے لیے چیف جسٹس آف پاکستان سے این او سی لینا ہوگا۔ نئے ایس او پی کے تحت چیف جسٹس کو ججز کی چھٹی منظور یا مسترد اور واپس بلانے کا اختیار ہوگا۔
یہ بھی پڑھیں: زلزلے کی تباہی: انسانی المیے اور خیمہ بستیاں
چیف جسٹس کے صوابدیدی اختیارات
چیف جسٹس عوامی مفاد میں صوابدیدی اختیارات استعمال کریں گے۔ ایس او پی کے تحت بیرون ملک سفر سے پہلے چیف جسٹس سے این او سی لینا ضروری ہوگا۔ ہرقسم کی چھٹی کے لیے پیشگی منظوری اور معقول وجہ دینا لازم قرار دیا گیا ہے۔
چھٹی کے دوران رابطہ معلومات
نئے ایس او پی کے مطابق ججز کو چھٹی کے دوران موجودہ پتہ اور رابطہ تفصیل فراہم کرنا ہوگی۔ صرف سرکاری دوروں کے لیے وزارت خارجہ کو پروٹوکول کی درخواست کی جائے گی۔
