مفت 2 جی بی انٹرنیٹ اور 200 منٹس حاصل کرنے کا طریقہ جانئے

پی ٹی اے کا 200 ملین صارفین کا سنگ میل

اسلام آباد (ڈیلی پاکستان آن لائن) پاکستان ٹیلی کمیونیکیشن اتھارٹی نے 200 ملین صارفین کا سنگ میل عبور کرنے پر تمام موبائل صارفین کو مفت انٹرنیٹ اور منٹس دینے کا اعلان کیا ہے جسے حاصل کرنے کے لیے آپ کو اپنے موبائل سے #2200* ملانا ہوگا۔

یہ بھی پڑھیں: ہندو اور سکھ طالبعلموں سے پاکستان کی محبت میں گرماگرمی اور دو دو ہاتھ بھی کر بیٹھتے پھر انکے سامنے ”لے کے رہیں گے پاکستان“ کے نعرے لگاتے

مفت انٹرنیٹ اور منٹس کی پیشکش

پی ٹی اے کی جانب سے جاری کردہ اعلامیہ کے مطابق، 20 جون 2025 کو تمام موبائل صارفین کو 2 جی بی مفت انٹرنیٹ ڈیٹا اور 200 آن نیٹ منٹس بالکل مفت فراہم کیے جائیں گے، جو 24 گھنٹے کے لیے مؤثر ہوں گے۔ آفر حاصل کرنے کے لیے صارفین کسی بھی نیٹ ورک سے #2200* ڈائل کر کے یہ سہولت فعال کر سکتے ہیں۔

یہ بھی پڑھیں: حجامت کروانے گیا تو 1 نوجوان فیشل کروا رہا تھا جس سے تاخیر ہوئی، چیف جسٹس نے وضاحت پیش کردی

صارفین کے لیے خوشخبری

پی ٹی اے کا کہنا ہے کہ 200 ملین صارفین کے سنگ میل کی خوشی میں، پی ٹی اے اور تمام موبائل آپریٹرز اپنے صارفین کو 2 جی بی ڈیٹا اور 200 آن نیٹ منٹس بالکل مفت فراہم کریں گے۔

یہ بھی پڑھیں: زمین زرخیز ہونے کا وقت تھا، اضافی چارج سے جان چھوٹ گئی،محکمے میں وقت پر ترقی کا رواج نہ تھا، افسران صرف اپنی ذات کی حد تک ہی سوچتے تھے

پاکستان میں موبائل صارفین کی تعداد

تازہ ترین اعداد و شمار کے مطابق، پاکستان میں موبائل فون صارفین کی تعداد 197.7 ملین تک جا پہنچی ہے، جو ملک کی 80 فیصد آبادی پر محیط ہے۔ براڈبینڈ صارفین کی تعداد 150 ملین اور فکسڈ لائن فون استعمال کرنے والے صارفین 3.75 ملین ہیں۔

یہ بھی پڑھیں: حکومت پنجاب نے زرعی آمدن پر ٹیکس میں اضافہ کردیا

خصوصی تقریب کا انعقاد

اس تاریخی کامیابی کی خوشی میں، پی ٹی اے ہیڈکوارٹر اسلام آباد میں ایک خصوصی تقریب کا انعقاد کیا جائے گا، جس میں ٹیلی کام انڈسٹری، موبائل نیٹ ورکس اور ڈیوائس ساز کمپنیوں کے نمایاں افراد شرکت کریں گے۔ تقریب میں پاکستان میں ڈیجیٹل سروسز اور کنیکٹیویٹی کے فروغ پر بھی بات چیت ہوگی۔

مفت وائس اور ڈیٹا بنڈلز

اس کے علاوہ، موبائل نیٹ ورکس کی جانب سے مفت وائس اور ڈیٹا بنڈلز دیے جائیں گے، جبکہ موبائل کمپنیاں تقریب کے دوران 10 سے 15 درمیانے درجے کے اسمارٹ فونز کے لیے قرعہ اندازی میں حصہ بھی لیں گی۔