ایران میں پاکستانی نوجوانوں کو بغیر تلاشی لیے جانے دیا، نوجوان خوشی سے نہال

تہران (ڈیلی پاکستان آن لائن) اسرائیل کے ایران پر حملے کے بعد، پاکستان نے ایک مضبوط موقف اختیار کیا ہے جس میں ایران کی بھر پور حمایت کا اعلان کیا گیا۔ اس اقدام کی مذمت کے باعث ایران کی پارلیمنٹ نے بھی پاکستان کا شکریہ ادا کیا۔ حالیہ دنوں میں ایرانی فوج کی طرف سے پاکستانیوں کے لئے محبت کا اظہار کیا جا رہا ہے، جس کا ایک ثبوت ایک پاکستانی شہری نے ویڈیو میں قید کیا ہے۔

یہ بھی پڑھیں: جنرل عاصم منیر میری جان، مودی کی دھمکیوں پر پنجابی ٹپے

ایرانی فوج کا پاکستانی شہری کے ساتھ محبت کا اظہار

تفصیلات کے مطابق سوشل میڈیا پر وائرل ہونے والی ایک ویڈیو میں، ایک نوجوان بس میں سفر کر رہا ہے۔ نوجوان بیان کرتا ہے کہ وہ دوسرے شہر جانے کے لئے بس ٹرمینل پر پہنچا، جہاں سیکیورٹی چیک کی لائن لگی ہوئی تھی۔ وہ سب سے آگے کھڑا تھا جب ایرانی فوجی نے اس سے سوال کیا کہ آپ کہاں سے ہیں؟ نوجوان نے جواب دیا کہ وہ پاکستان سے ہے۔ فوجی نے مزید پوچھا کہ دوسرا لڑکا کہاں سے ہے، جب نوجوان نے بتایا کہ وہ بھی پاکستان سے ہے، تو فوجی نے ان کی تلاشی لئے بغیر ہی انہیں جانے کی اجازت دے دی۔

یہ بھی پڑھیں: بھارت کے پاس دریاؤں کا پانی روکنے کی کوئی سہولت موجود نہیں تو پاکستانی دریاؤں کا پانی کہاں گیا؟ ماہرین نے سوالات اٹھادیے۔

خوشی کا لمحہ

نوجوان کا ویڈیو پیغام میں کہنا تھا کہ آج وہ بہت خوش ہیں، یہ ایک بڑی خوشی کا لمحہ ہے۔ انہوں نے کہا، "اللہ کرے کہ یہ سب ایسے ہی رہے۔ ایرانی لوگ شکر گزار ہیں، اور وہ کہہ رہے ہیں کہ آپ نے کہہ دیا کہ پاکستان ہمارے ساتھ ہے، تو یہ ہمارے لیے اتنا ہی کافی ہے۔"

ویڈیو ملاحظہ کریں