کشمیر دنیا کا بڑا عسکری زون بن چکا،مودی خطے کو جنگ میں جھونک رہا ہے:سڈنی انسٹیٹیوٹ فار اکنامکس اینڈ پیس کی ہوشربا رپورٹ جاری
کشمیر: ایک بڑا عسکری زون
لاہور (طیبہ بخاری سے) کشمیر دنیا کا بڑا عسکری زون بن چکا ہے، مودی خطے کو جنگ میں جھونک رہا ہے۔ سڈنی انسٹیٹیوٹ فار اکنامکس اینڈ پیس نے رپورٹ جاری کردی۔
یہ بھی پڑھیں: پاکستان اور انڈیا کے درمیان کشمیر تنازعہ ایٹمی جنگ کا سبب بن سکتا ہے: برطانوی پارلیمنٹ
بھارتی وزیر اعظم کی جنگی جنون
تفصیلات کے مطابق گلوبل پیس انڈیکس نے سنگین وارننگ جاری کرتے ہوئے کہا ہے کہ بھارتی وزیر اعظم نریندر مودی کے جنگی جنون کے باعث خطہ ایٹمی تصادم کے دہانے پر ہے، مودی کی انتہا پسند پالیسیوں سے مقبوضہ کشمیر اور خطہ شدید خطرے سے دوچار ہے۔ ریاستی دہشتگردی اور فالس فلیگ سے مودی خطے کو جنگ میں جھونک رہا ہے۔
یہ بھی پڑھیں: کراچی، صندوق سے خاتون کی تشدد زدہ لاش برآمد
سڈنی انسٹیٹیوٹ کی رپورٹ
سڈنی انسٹیٹیوٹ فار اکنامکس اینڈ پیس نے ہوشربا رپورٹ جاری کردی، رپورٹ کے مطابق "بھارت کی خلاف ورزیاں، عالمی بحران کو جنم دے رہی ہیں۔ بھارت مقبوضہ کشمیر کو مستقل پرتشدد خطہ بنا چکا، کشمیر دنیا کے بدترین تنازعات میں شامل ہو چکا ہے۔"
یہ بھی پڑھیں: بھارت کی جنگ کی دھمکی، لاہور کا پاوا اختر لاوا غصے میں آگیا، روکنا مشکل ہو گیا
تشویش ناک پیشگوئی
سڈنی انسٹیٹیوٹ فار اکنامکس اینڈ پیس نے جون 2025 تا جون 2026 وادی میں پرتشدد ہلاکتوں کی پیشگوئی بھی کی۔ رپورٹ کے مطابق "مقبوضہ کشمیر کا تناؤ کسی بھی وقت خطے کو جنگ میں جھونک سکتا ہے، جنوبی ایشیا دنیا کا دوسرا غیر محفوظ ترین خطہ بن چکا ہے۔ بھارت نے حالیہ پہلگام حملے پر پاکستان کو بلا ثبوت موردِ الزام ٹھہرایا۔ بھارت نے پاکستانی شہریوں پر حملے سے جنگ کا آغاز کیا، پاکستان نے شمالی بھارت پر مؤثر دفاعی ردعمل ظاہر کیا جبکہ ایل او سی پر بھی منہ توڑ جواب دیا۔"
یہ بھی پڑھیں: اداکارہ نادیہ خان کا ائیر وائس مارشل اورنگزیب سے کیا رشتہ ہے؟ اداکارہ نے پرانی تصویر شیئر کر دی
آرٹیکل 370 کی منسوخی کے اثرات
مقبوضہ کشمیر میں حالیہ جھڑپوں، درجنوں ہلاکتوں اور تباہی سے متعلق رپورٹ میں لکھا گیا کہ "آرٹیکل 370 کی منسوخی، کشمیریوں پر سنگین آئینی وار تھا، لاکھوں قابض بھارتی فوجیوں کی موجودگی سے کشمیر دنیا کا بڑا عسکری زون بن چکاہے۔ 1989ء سے اب تک 40 ہزار سے زائد کشمیری شہید کیے جا چکے ہیں۔ مودی مقبوضہ کشمیر میں ہندوتوا ایجنڈے کو فروغ دے کر کشمیریوں کے حقوق سلب کر رہا ہے۔ بھارتی میڈیا اور ادارے، کشمیری آواز کو دبا رہے ہیں۔"
یہ بھی پڑھیں: شہباز شریف نے بشریٰ بی بی کے سعودی عرب سے متعلق بیان کو ملک دشمنی قرار دیدیا
غیر ریاستی عناصر اور فوجی دباؤ
رپورٹ کے آخر میں اس خدشے کا اظہار بھی کیا گیا کہ "غیر ریاستی عناصر اور فوجی دباؤ کشمیر کو جنگ کی طرف لے جا رہے ہیں، سیزفائر خلاف ورزیوں اور کشیدگی سے مکمل جنگ کا خطرہ ہے۔ مودی کی پالیسیوں سے کشمیر میں تنازع اور جارحیت بڑھی۔ سیاسی دباؤ اور جنگی سوچ، خطے کو غیر مستحکم کر رہی ہے۔"
