گلوکارہ میشا شفیع برطانیہ میں اے آر وائے کے ٹی وی چینل سے ہتک عزت کا مقدمہ جیت گئیں

میشا شفیع کا قانونی معرکہ

لاہور (ڈیلی پاکستان آن لائن) گلوکارہ میشا شفیع نے اے آر وائی کے برطانیہ میں نشریات پیش کرنے والے ادارے ’نیو ویژن ٹی وی‘ (این وی ٹی وی) کے خلاف ہتکِ عزت کا مقدمہ جیت لیا ہے۔

یہ بھی پڑھیں: قائم مقام اسپیکر پنجاب اسمبلی کا اپوزیشن کے 26معطل ارکان کو فوری بحال کرنے کا حکم

این وی ٹی وی کی معافی

مقامی اخبار ڈان کے مطابق، این وی ٹی وی نے میشا شفیع کی جانب سے دائر کیے گئے کیس میں اپنی غلطی تسلیم کرتے ہوئے آن ایئر معافی جاری کی اور عدالت سے باہر معاملہ طے کرنے پر رضامندی ظاہر کردی۔ اپنی معافی میں، این وی ٹی وی نے تسلیم کیا کہ اس کی رپورٹ سے ایک ’غلط فہمی‘ پیدا ہوئی، اور کہا کہ اگر ان کی نشریات سے میشا شفیع کو کوئی ذہنی اذیت پہنچی ہو تو وہ اس پر معذرت خواہ ہیں۔

یہ بھی پڑھیں: پاک بھارت کشیدگی، جنگ بندی کے بعد وسیم اکرم کا جنگ بارے پہلا بیان، تنقید کا نشانہ بن گئے

ہائی کورٹ کا فیصلہ

خیال رہے کہ 2023 میں برطانیہ کی ہائی کورٹ نے فیصلہ دیا تھا کہ 5 دسمبر 2020 کو نشر کی جانے والی رپورٹ میں این وی ٹی وی نے میشا شفیع کی ساکھ کو نقصان پہنچایا۔ عدالت نے یہ بھی قرار دیا تھا کہ چینل نے گلوکارہ کو ایک ایسے فرد کے طور پر پیش کیا جو عدالت کے قانونی تقاضوں کو نظر انداز کرتی ہے اور یہ رویہ بار بار دہراتی ہے۔

یہ بھی پڑھیں: موبی لنک بینک نے پاکستان بینکنگ ایوارڈز 2024 میں ’بہترین مائیکروفنانس بینک‘ کا اعزاز حاصل کرلیا.

چینل کی متنازع رپورٹ

این وی ٹی وی نے دسمبر 2020 میں اپنی رپورٹ میں بتایا تھا کہ شفیع 2 سال تک پاکستانی عدالتوں کے احکامات کی جان بوجھ کر خلاف ورزی کرتی رہیں۔ عدالت میں جمع کرائے گئے دستاویزات میں بتایا گیا تھا کہ چینل نے رپورٹ میں کہا تھا کہ میشا شفیع پاکستان آئیں، کام کیا اور چلی گئیں، انہوں نے عدالتی احکامات کو ہوا میں اڑا دیا، اور گلوکار علی ظفر نے ان کے خلاف ہتکِ عزت کا دعویٰ دائر کر رکھا ہے۔

معاملے کا اختتام

چینل نے اب اپنی غلطی کا اعتراف کرتے ہوئے میشا شفیع سے معافی مانگتے ہوئے معاملہ عدالت سے باہر حل کرنے کا اعلان کردیا۔ میشا شفیع نے بھی چینل کی جانب سے معافی مانگے جانے کی ٹوئٹ کی اور مداحوں کو بتایا کہ وہ جیت گئیں۔