غزہ سے مزید 3 اسرائیلی یرغمالیوں کی لاشیں برآمد

غزہ میں اسرائیلی یرغمالیوں کی لاشیں ملی

غزہ (ڈیلی پاکستان آن لائن) اسرائیلی فوج کو غزہ سے مزید 3 اسرائیلی یرغمالیوں کی لاشیں مل گئیں جن میں ایک خاتون اور 2 نوجوان شامل ہیں۔

یہ بھی پڑھیں: سعودی عرب نے گرفتار ایرانی عالم غلام رضا قاسمیان کو رہا کر دیا

نیتن یاہو کی تصدیق

نجی ٹی وی جیو نیوز نے غیر ملکی میڈیا کے حوالے سے بتایا کہ اسرائیل کے وزیر اعظم بنیامین نیتن یاہو نے کہا ہے کہ غزہ کی پٹی سے 3 اسرائیلی یرغمالیوں کی لاشیں برآمد کر لی گئی ہیں۔ انہوں نے تصدیق کی کہ اسرائیلی یرغمالیوں کی باقیات ہفتے کو ایک فوجی کارروائی کے دوران برآمد کی گئیں۔

یہ بھی پڑھیں: غزہ: اسرائیلی فوج کی پناہ گزین سکول پر بمباری، 40 فلسطینی شہید

فوجی کارروائی کی تعریف

نیتن یاہو نے کہا کہ میں ہمارے کمانڈرز اور جوانوں کا کامیاب کارروائی، عزم اور دلیری پر شکریہ ادا کرتا ہوں۔ اسرائیلی فوج کا کہنا ہے کہ لاشیں ہفتے کو برآمد ہوئیں، تاہم یہ نہیں بتایا گیا کہ غزہ میں کہاں سے انہیں نکالا گیا۔

لاشوں کی تفصیلات

غزہ سے ملنے والی لاشیں 71 سالہ خاتون، 19 اور تقریباً 21 سال کے نوجوان کی ہیں۔ واضح رہے کہ اسرائیلی فوج نے رواں ماہ اب تک غزہ سے 8 یرغمالیوں کی لاشیں برآمد کی ہیں۔